مدوّنة فرح

• كل الطرق تؤدي إلى منزلي … هذا ما كنت أقوله لصديقاتي بعد خروجنا من المدرسة… كنت دائماً مستعدة ليصبح الطريق أطول مقابل أن نتحدث معاً أكثر رغم أن منزلي كان الأبعد … اشتاق لتلك الأيام كثيراً .. وأشتاق لأساتذتي ومعلماتي … أشتاق لتلك الضجة الأنثوية البحتة …أشتاق للغناء هناك… أشتاق للشغب … أشتاق للون الزهري (اللباس الموحد في مدارس سوريا )… أشتاق لكل زاوية في كل مدرسة قضيت فيها فترة من الزمن (تنقلت في حياتي بخمس مدارس – عدا مدرسة الحياة والتي ننتمي إليها جميعنا )

ما زلت على لقاء مع سبع ٍمن صديقات الثانوية و ثلاثةٍ من أيام الإعدادية و واحدة من أيام الابتدائية ورغم ذلك اشتاق للمعقد والصف الذي جلسنا فيه …وتناقلنا الكتب والدفاتر والأحاديث والضحكات …

•حياة الجامعة جميلة جداً … روح جديدة … في جو جديد … وجوه جديدة … وعقليات مختلفة ومتخلفة في آن .. حياة الجامعة نضج في التفكير من عدة نواحي … استيعاب الأمور بعدة طرق .. تعايش مع أنماط وأنواع جديدة من البشر … هناك يجب أن تتفهم الأمور ببساطة رغم تعقيدها في ظن البعض … حياة الجامعة هي رؤية جديدة لشوارع دمشق كل يوم .. هي معرفة ما يجري في الخارج … هي تحمل مسؤولية أكبر … هي تفكير بمستويات أعمق …

حاولت الاستمتاع بكل لحظة من كل يوم مضى هذه السنة وأتمنى أن استمر كذلك حتى يوم التخرج …

(المزيد…)

انا الموقعة ادناه فرح أقر واعترف بعيوبي التالية

سوبر عنيدة

ازا تضايقت أتضايق وازا تضايقتُ اضايق من حولي

بحب المجاكرة !! بس للناس اللي بمون عليهن … بس احياناً بطئوا مني “ما بعرف ليه ؟؟

شوي نئائة

ضويجة يعني بيقولوا انو البيت بيكون هادي كتير قبل ما بفوت عليه بعدين مدري شو بصير

ازا حدا فقد ثقتي مستحيل يسترجعا ! يعني بسامح وبرجع عادي  بس من جوة جوة ما بنسى انو هالشخص جرحني او خذلني بيوم من الايام مشان هيك ما برجع بعطي ثقتي ! بحس هالشي عيب كبيرفيني لانو الناس أحياناً ما بتكون قاصدة بس هي مشكلتي بضل يعني كمان على كل حال انا ما بثق بحدا بسرعة

ما بحب الاستيقاظ المبكر ابداً ابداً أبداً لو نايمة الساعة 8 المسا يعني ازا محاضرة ما عليها القيمة ودكتور أو دكتورة بتاخد العقل أو بتاخد العقل بشكل تاني ومافي تسجيل حضورما بقوم منووب

صاير فيني عيب جديد انو لما بعصب من شي حدا او من الدراسة بروح بنام

وآخر شي مزاجية

وكل ما سبق كان عبارة عن واجب تدويني من

MonTexoو أحمد

أما لو تجوا عالحقيقة انو انا مافيني ولا علّة ولا عيب نهائي نهائي

…