شعب مصر يا كبير..بقلم بشار الخلف
شعب مصر يا كبير
نص من تأليف الصديق بشار الخلف يُقرأ باللهجة المصريّة حصراً.
الشعب صحي وئام
اهو ده هو الكلام
ولحسني وعصابته أولنا
ارحل وغور أوام
بعد النهاردة بينا
مافيش تاكل وتشرب
ده مافيش حتى تنام
نهبتوا البلد وشعبها
انت وعيالك .. و المدام
سرئت عيشنا وخبزنا
وبئا حلمنا فرخين حمام
تلاتين سنة بتبني ئصور
والشعب حلمه يملك خيام
وجمعت حوليك عصابة لصوص
سرئة وفساد تمام التمام
والجيش ئلبته حرس حدود
ليحمي خيانة معاهدة سلام
ازاي بعت ضميرك وبعتنا
وجاي تئول انا بطل همام
بوليسك وامنك مصوا دمنا
خيانة وندالة وكبت للكلام
و زدت شئانا وفئرنا
بقانون طوارئ بيذلنا
تفتيش واعتقال واستجواب
وبئينا بنموت بحجة امننا
وانت نايم على ودانك
وسايب شؤونا وهمنا
وكأنك هنا بس عشان
تموتنا وتصاحب عدونا
جوعت كبيرنا وصغيرنا
وشردتنا من ارضنا
وبرغم ان مصر ام الدنيا
بئينا يتامى
وماحدش ضمنا
ودينا اهو وئفنا سوا
اصاد رئيس بئا عدونا
وفؤنا من كابوسك
وببؤ واحد ئولنا
يا تغور يابالنعال حندوسك
وب 25 يناير بدأنا شغلنا
ثورة حرية وشعب كبير
ثورة ضمتنا كلنا
وبئينا اخوة تاني
وملينا ميدان التحرير
وصمدنا وسبنا يأسنا
وئولنا مش حنرضى
برئيس قتل الفئير
17 يوم فضلنا
قتلى وجرحى ومرضى
حلمنا هو التغيير
وانت متشعبط بالكرسي
خطاباتك كدب وتبرير
واحنا جددنا المطالب
لا تنازل .. ولا تئصير
ونادينا باخر جمعة لينا
عايزين نافوخك يطير
وفضلت تحايل فينا
بكلام ندل وحقير
بس احنا بئا وعينا
وعالقصر بدينا نسير
واتاريك طلعت جبان
وهربت بهيليكوبتر صغير
وفرحنا اوي بنصرنا
بثورة صنعت مجدنا
وكل العالم ئالينا
شعب مصر يا كبير
بشار الخلف
حقوق النشر محفوظة ويُرجى عدم التعدي على خصوصيته بنقله لأي مكان، وبهديها لأرواح الشهداء يلي سقطوا على مر ثلاثين عام من الظلم والدكتاتورية في مصر .. و لكل انسان مصري حر شارك بالثورة .. و لكل عربي حمل هم ثورة الشعب المصري بقلبه خلال الأيام الماضية.
Tags: 18 شباط, أم الدنيا, ثورة25 يناير, حسني مبارك, حلم, خبز, سقوط حسني مبارك, شعر, عيش, فؤاد نجم, قصيدة, قصيدة نثرية, لهجة مصرية, مصر, مصري, نافوخ يطير, نثر, نص شعري
فبراير 15th, 2011 at 6:02 م
السلام عليكم و رحمة الله و بركاته
جزاك الله كل خير أخي الكريم على الموضوع المميز، ما شاء الله
لا تحرمنا جديدك
بالتوفيق إن شاء الله
مارس 16th, 2011 at 4:21 م
أبيات شعر معبرة عن واقع كان مرير لكنه إنتهى بفضل الله ثم كفاح الشعب ودماء الشهداء
مارس 21st, 2011 at 5:29 ص
جزاك الله كل خير أخي الكريم على الموضوع المميز
أبريل 30th, 2011 at 10:21 ص
جزاك الله كل خير أخي الكريم
مايو 30th, 2011 at 9:43 م
جزاك الله خيرا اخي
يوليو 22nd, 2011 at 6:34 م
بارك الله فيك أبيات رائعة جداً جداً, ومدونة هادفة
مارس 15th, 2012 at 6:24 ص
شكرا على الابداع ابيات معبرة جدا
يناير 2nd, 2013 at 9:43 م
جزاكم الله خيييييررر
يناير 6th, 2013 at 6:35 م
جزكم الله خير الجزاء
يونيو 27th, 2013 at 1:17 م
شكراً على الكلمات الإبداعية