لين .. و.. زيد

أخي: هلاء منساوي خيمة ومنعد منلعب فيها ..

أنا: مابدي

أخي: طيب شو بدك ؟؟

أنا: لعبة المطبخ!

مطبخ ماشي مطبخ ….

عشرون سنةً وأكثر مضت يا أخي، كنا نلعب حتى نتعب، واليوم أراك أباً لملاكين صغيرين، يجعلان من البكاء موسيقى، ومن الحركات مشاهد للتأمل، لـ ِ”زيد” حاجباك وفمك .. ولـ ِ”لين” أنف والدتها وعيناها .. (هذا ما رأيته!)… جعلهما الله قرّة عين ٍ لكما ..

صغيراي لين وزيد، اضحكا على عمتكما كثيراً فأول ما فكرت فيه عندما عرفت ببدأ ولادتكما، هو ماذا أرتدي لرؤيتكما ، ودققت في التاريخ لأكتشف أن 30 -3 سيكون أجمل يوم ٍ في هذا العام وفي كل ِّ عام..

فكرت كثيراً بما يجب قوله عندما تفتحا أعينكما للمرة الأولى، أردت أن أكون الشاهدة على ذلك، فالتصقت بكما.. يا صديقاي هذا هو العالم، أنتما هبة ٌ من الله، تشوقنا لرؤيتكما كثيراً، والدكما رائع بما تحمله الكلمة، ووالدتكما حنونة ٌ جميلة بكلّ شيء، أنتما محظوظين كثيراً..

عزيزاي ..  يوم ولادتكما احتفل القمر بدراً، وضحكت الشام بجوها المعتدل…واستقبلكم العالم كله باتصالاتٍ ومباركات، ستريا أن الدنيا صعبة ٌ تبتسم أحياناً نخاف عليكما منها، لكني أثق وبقوة أنكما ستكونان” قدها وقدود” B-)

للأسف .. لا أعرف كيف يشعر الطفل تجاه عمته  لأن الله لم يرزقني بواحدة، لكنكما منذ لقاءنا الأول بدأتما تعلماني عن هذا الشعور .. أحبكما كثيراً ،سلمكما الله وحفظكما من كل شر …، ندين لكما بالمشاعر التي منحتمونا إياها، للمرة الأولى يصبح لأبي وأمي أحفاد، وأصبح واختاي عمات، شكراً لظهوركما في حياتنا ..

بقي ان أقول أن دوار كفرسوسة  كان مغلقاً يوم ولادتكما ،فهل يا ترى فتحوه وانتو عم  تقرأوا هالتدوينة.. !! P:

– شكراً لكل أصدقائي اللي شاركوني الفرحة، سعيدة كتيييييييييير فيكم ، رح حاول كون عمة منيحة

الوسوم: , , , , , , ,

29 من التعليقات لـ “لين .. و.. زيد”

  1. هههههههه فروح مالي عرفان من وين بلش من كونك صرتي عمة ولا باركلك ولا دوار كفر سوسة
    بس بالتأكيد اول وآخر شي ألف مبروك يارب , وانشالله بيكونوا قرة أعينكم
    والحمد لله يلي صرتي عمة وعقبال ما تصيري أم كمان

    زيد ولين ننتظر رؤيتكم أحبائي حماكم الله

    • فـرحNo Gravatar قال:

      الله يبارك فيك ويخليلك يا رب .. شكراً كتير محمد .. عنجد ما بتعرف اديه انبسطت بمباركاتك
      عقبال ما تصير خال وعم وبابا كمان

  2. A.GdedouyNo Gravatar قال:

    اعتقد انني سأبدأ وانتهي بكلمة الف مبروك
    لك ولهم ولوالديهم وبالاخص للجد والجدة

  3. شمسNo Gravatar قال:

    صديقتي فرح…ألف مبارك أنك أصبحتِ عمّة…ماأروعها من مشاعر…أنا عشت هذا الشعور من 8 أشهر بقدوم ست الحلوات/وأحلى زهرة ياسمين/والقمرة الشامية/ابنة أخي ((( شام )))
    صدقيني كل يوم بوجود((( شام )))أول أحفادنا هو عيد للجميع..
    ربنا يحمي زيد ولين ويربوا بعزكم جميعا…ويلي جعلنا عمّات يجعلنا أمهات..قولي آمين…….
    (بس لحظة ..وين الكراوية؟؟)

    • فـرحNo Gravatar قال:

      يا عيني يا عين .. معناها شام أكبر من زيد ولين ب8 أشهر حلو اسمها كتير عاشت الأسامي الله يخليلكم ياها ويجعلها من الصالحين يا رب .. آمين يا رب العالمين وازا كان عندك اخوات بنات ان شاء الله بتصيري خالة يا رب .. وانا كمان هههه آمين
      أما بالنسببة للكراويا .. فأطيب كراويا لعيونك

  4. basharNo Gravatar قال:

    ألف مبروك …. حلو الكلام كتير
    الله يهنيهم بهيك عمة رائعة
    ويهني العيلة كلها بالملاكين

  5. دنياNo Gravatar قال:

    فوووفة…
    زيد ولين رح يكون عندهم أحلى عمة بالكون كلووو…
    اخدو عيون امون وانف أبوهم….وطيبة قلب عمتون..وحنيتها (هي من صفات العيلة كلها..مو بس عمتون الزغيره )
    رسمتي البسمة على وجهي…خليتيني عيش كل لحظة معك..بكل تفاصيلها الزغيرة
    الله يحميهم يارب…ويخليلكم ياهم..
    ويديمهم فرحه ببيتكم وممليين عليكم حياتكم..يارب
    وتعيشي وتشوفيهم يا فوفه طلاب بقسم الإعلام معنا (بقصد كلية)

    بس سؤال زغير…او تنين
    1- ليش لين وزيد…مو زيد ولين؟؟
    انا من أنصار..(الرجال قوّامون على النساء…

    2- من ايمت بتحبي تلعبي لعبة المطبخ !!!!!!

    • فـرحNo Gravatar قال:

      تسلميلي يا دندونة والله مافي منك أنتي
      وأحلى رفيقة للعمة تبعهم شو بدهم أحسن من هيك
      لسه بدي احكيلك من طق طق للسلام عليكم .. قصدي من أول بكوة لآخر رضعة بالوقت اللي منحكي فيه ههههه
      قولتك ..على لين لاحت صحفية من هلاء اما زيد فكمبيوترجي متل امو وأبو هههههه
      يا ستي الجواب
      لين طلعت قبل زيد وهي أكبر منو بدقيقة .. ايوه من هلاء ما تعلملولي رجال ونسوان الكبير بضل الكبير ..
      لعبة المطبخ هي أيام الجهل .. والمجاكرة مشان ما نفذ شو بدو يلعب أخي هههه الله وكيلك كنا نلعب كرة قدم وطقطقة بوالين أكتر … ايييييه سقا الله تلك الأيام D:

  6. ألف مبروك لزيد
    وألف مبروك للين

    ألف مبروك لخلدون
    وألف مبروك لفرح

    ألف مبروك لأصدقائك يلي شافوك عمة أد الدنيا
    الله يخليلك ياهن ولا يحرمك من ضحكتهن

  7. شمسNo Gravatar قال:

    يافرح ..تأبشي ألبي عل العزيمة عل الكراوية…ومشان اسم (شام)…تعيش حباب ألبك…أنا طاير عقلي باسمها…وبصراحة كنت مخبية هل الاسم لابنتي …بس طلع من نصيب شام بنت أخي …يلاانشالله جاية الأيام ..بيجوز من هون لوقتها لاقي غيرو أو الله أعلم …كمان لين وزيد أساميهم بتاخد العقل…يارب يكبروا ويحفظوا أساميهم..ويجعلهم ربنا من سعداء الدنيا والآخرة..وشكرا عل الدعاء لحبيبةألب عمة( شام)..وعلى اعتبار أني وحيدة أهلي وماعندي إخوات بنات مارح صير خالة للأسف…مو مشكلة الأهم عندي أني صير ماما

    • فـرحNo Gravatar قال:

      شموسة
      بكرة باخد الاسم لبنتي ان شاء الله بتلاقي احلى منو
      تسلميلي وكمان شام الله يجعلها من الصالحين المفكرين المفيدين لدينن لمرضيين يا رب .. .. يلا يا ستي .. ان شاء الله بشوفك احلى ماما وأحسن ماما بالدنيا

  8. أبو إيادNo Gravatar قال:

    شو فرح.. باين ذكرتي كل العيلة و نسيتيني .. شو مو معتبرتيني من العيلة حضرتك
    نسيتي انو انا كمان لاول مرة بصير زوج عمة

    x-(

  9. gabrielNo Gravatar قال:

    أجمل مافي الحياة أن كائناً صغيراً لا يتجاوز وزنه البعض كليات يستطيع بكفه الصغير تغير خريطة الاسرة واعادة توزيع أدوار البشر في هذه الحياة

    إي اهلين بالعميمة

  10. nadiaNo Gravatar قال:

    كلام مؤثر فعلا يا فرح .. واضح انه نابع من صميم القلب
    حفظهما الله و جعلهما قرة عين لكم جميعا و تشوفوهم شباب و صبايا و أحلى عرسان كمان ..
    شكراً لإمتاعنا و مشاركتنا بهذه المشاعر والنفاصيل الجميلة

  11. جعلها الله من مواليد السعادة ..
    والف مبروك ..

  12. majjoodNo Gravatar قال:

    ألف مبروك إن شاء الله .. يربو بعزكم ودلالكم


  13. عمة فرح
    سعيدة في البداية بتعرفي على مدونتك الراقية بحق ‘‘
    ومُبارك لك حصولك لهذا المنصب
    والله يفرحكم بيهم يارب قلبو

    ودٌ لا يبور

  14. جزاكم الله خيييييررر

  15. فـرحNo Gravatar قال:

    agreee
    مع انو كان نوري كافي

إكتب تعليقك