إلى الجحيم أيُّها الاكتئاب!

smile

برد أو شوب، مكتئب وتعبان يمكن مالل، الوضع سيء ومصاري مافي، ولا حتى صداقة، محبط !! vsad:

كيف تتخلص من الكآبة والإحباط، كيف ترمي الأولى في الجحيم والثانية في الهاوية:

–    إقرأ أو اسمع القرآن الكريم في هدوء، اختار أحد السور التي استوعبت معناها، أحب أن أقرأ سورة الرحمن دائماً .. حتى وإن كنت لا تقرأ القرآن عادةً جرّب هذه المرّة {ألا بذكر الله تطمأن القلوب}.
–    امض ِ وقت مع الأطفال الصغار “2-5 سنوات”، قد تضحكون على هذا التحديد لكن في هذا الزمان الطفل الذي يذهب إلى مدرسة يصبح شرير! لا أعرف هذا ما لاحظته، حتى أنّ سن 6 سنوات هو عمر (السآلة!) على كل حال روح الطفل العفوية والمرحة وبراءته معدية بامتياز، أستطيع القول أنهم أطباء الاكتئاب في هذا العصر، يزيحون عنك هموم الدنيا كلها(ريتن يسلمولي :$ )، اضحك معهم والعب ، عد للطفل في ذاتك ستجده.
–    ابتسم، ايه ابتسم حتى لو(من برات منافسك)، حاول أن تخدع نفسك، أحياناً يصبح العقل الباطن مبتسم معك.
–    اشترِ لنفسك شيئاً تحبه، باقة وردٍ ((f))  أو قلماً ودفتراً ربما تكون(بسكوتة) ساعد نفسك، ليس لها ذنب إن كانت الحياة مريرة والرياح جنوب شرق، النفس تموت في حالات الاكتئاب، أنعشها..
–    اكتب إنجازاتك في الحياة على ورقة، حتى ولو كانت بسيطة جداً وسخيفة في رأي البعض لكنها بالنسبة لك إنجاز لأنك بذلت جهد فيها(اقتناعاتك هي إنجاز لأنها نتيجة جهد وقراءة ودراسة).
–    فكّر في إيجابياتك، وجه لنفسك كلمات ايجابية، صباح الخير يا قمر! (مع أنو القمر بيطلع بليل)، أنا بخير وسأكون أفضل في الأيام القادمة، سأنجز عملي بسهولة، أستحق الأفضل وسأحصل عليه، الأرض تدور من أجلي، والشمس تشرق لأجلي!  مثل هذه الجمل الإيجابية توّلد الهمم.
–    مثّل، غني، ارقص،ارسم، لوّن … افعل أي شيء تشعر بأنه مفيد بأنك تحبه ارفع مستوى الضحك والسعادة لديك. :22:

ماذا أيضاً…الدنيا من حولنا:

–    رتّب الفوضى في غرفتك أو مكتبك، أو غيرّ الترتيب ، اشترِ شيئاً جديداً تضيفه للغرفة لوحة أو ساعة، شيءٌ محبب إليك.
–    توقف عن سماع سلبيات الآخرين، (مافي وقت ، الحياة صعبة، الدنيا بشعة، نحنا ما منقدر، نحنا مو خرج، ما منستاهل، ماتوا، ما عاد حرزانة، مو فارقة، المادة صعبة، النجاح مستحيل!!) :oo
–    لا تدع نفسك للنوم ولا الاعتزال، اخرج للشارع تكلم مع البقال، مع الجارة، اتصل بأصدقائك، افتح أحاديث مضحكة، احفظ نكته و أرويها للآخرين، في ضحك الآخرين في سعادة.
–    اكتب المشاكل التي تعاني منها على ورقة، رتبها حسب الأولويات حلها بالتدريج، آخر مشكلة أو مشكلتين ستحلان لوحدهما.
–    اجتمع بأشخاص تحبهم، اقترح أن تسافروا معاً، وإن لم يكن سافر لوحدك في حال كان لديك وقت وتستطيع الحصول على إجازة، حطم الروتين.
–    ساعد أصدقائك  لكن لا تحمل همومهم، كل انسان مسؤول عن تصرفاته وحل مشكلاته وخلق سعادته.

في المرتبة الأولى:

–    اختر طريق السعادة لنفسك، اجعله سبيلك في الحياة،حدد سبب أو أسباب اكتئابك .. اقتنع أن فترة الاكتئاب قصيرة ستنتهي قريباً، دع عنك أوهام الخوف من المستقبل وألم الماضي.
–    ادعُ الله .. كن مخلصاً في دعائك.

هذا ما أفعله لأعود فرح، أخبروني عنكم ؟ :11:


Tags: ,

26 Responses to “إلى الجحيم أيُّها الاكتئاب!”

  1. محمد max13 Says:

    مرحبا فرح
    تدونيتك ذات مفعول سحري في اذابة الملل من على رؤوس بعضنا
    دمتي بخير

  2. FaRaH Says:

    فتووووش ..
    انت الحلوة 🙂
    وانا هيك متلك احياناً كتير بتصير معي ..
    هيهي صباحو ..
    انبسطت فيكي كتير فتوشة .. 🙂 🙂

    ღ ღ

    انسس..
    صح صح شلون راح عن بالي المشي .. بمارسو بالصيف والسماعات بأذاني ..

    الاصدقاء تحفة 🙂 اكيد الحل ما بيطلع هيك كلو بصير بالعقل البابطن أول ..

    صحيح القرآن والدعاء لا يضاهيما شيء آخر … لما تدعي هيك بالعامية وشلون ما كان .. سبحان الله على الراحة ..

    قرأت تجربتك أكتر من مرة كتير استفدت منها ..
    وشكراً كتير على الانتيز امتئاب اللي ذكرتن ..

    ღ ღ

    بسام ..
    صح 100%
    شكراً لك ..

    ღ ღ

    امووونة ..
    لك امون عم تقول رائع ..
    انا تعلمت كتير منك هالشغلات ..
    يخليلي ياك .. 🙂

    ღ ღ

    علاء ..
    اهم شي انو الواحد يطلع من الهم والتطبيق ..
    تسلم انبسطت بوجودك ..

    ღ ღ

    رنا
    الحمد لله وان شاء الله ما بتنصابي 🙂
    الأعمال الايجابية تفيد الانسان أكثر من أي شيء آخر
    وأيضاًً الأعمال التطوعية ..
    اهلين رنوش ..

    ღ ღ

    غيث ..
    بسطتني كتير .. بتمنى تكون نفسيتك دائماً عشرة على عشرة ..
    شكراً غيث ..

    ღ ღ
    دنيا ..
    دندووووووون ما بتصدقي شلون صارت ابتسامتي لما قريت التعليق ..

    الله يخليلي ياكي يا رب ..

    ما رح قلك رقم مين .. p:

    ღ ღ

    عوني ..
    صحيح تماماً .. الدين مهم لدرجة كبيرة .. عوني كتير كتير
    انبسطت بوجودك ..

    ღ ღ

    حسام الأخرس ..
    على حسابك الوجوه كلهم 🙂
    بتمنى لو عندي اخوات صغار لاعبهم 🙁

    ღ ღ

    مرام ..
    ايه هي بتنكسر الميزانية بس انا ما بقدر استغني عن الورد كل أسبوع أسبوع ونص ..

    ღ ღ

    أدهم ..
    ان شاء الله بتروح عنك وبترتاح منها 🙂
    الله يسلمك ويخليك ..

    ღ ღ

    سامي ..

    نورت نورت المدونة ..أهلاً سامي .. انبسطت كتير بتعليقك ..

    ღ ღ

    وائل العلواني ..
    الشكر على وجودك .. بتكمنى يكونوا شغلات مفيدة 🙂

    ღ ღ

    محمد اون لاين ..
    صحيح قلب المنحة الى محنة ..
    بحلم كتير اني عم سوق سيارة بطريق فاضي .. بكون مرتاحة وقتها .. بريح هالشي .. ناوية اتعلم سواقة بس قولك بالشام في شارع فاضي !
    شكراً لوجودك محمد ..

    ღ ღ

    الباحث ..
    امين الله لا يعيدها .. الجو العام بأثر الحق معك .. كل الخير 🙂

    ღ ღ

    محمد الجرايحي ..
    شكراً لوجودك أخي محمد .. سعيدة به ..

    ღ ღ

    محمد أمير ..
    نورت المدونة .. سمعت عن هذه الدراسات وانا مقتنعة بها 100 % حتى أن استماع القرآن للأطفال الصغار يعطيهم راحة …
    يم يم الغذاء الجيد ..
    شكراً محمد 🙂

    ღ ღ

    محمد ..
    العفو .. اتمنى ذلك شكراً لوجودك اتمنى أن يتكرر دمت بخير

    ღ ღ

    محمد MAX13
    أهلا محمد .. عم تغيب كتير ..
    لازم نذوب الممل وإلأا تراكم واندفنا تحتو ..
    دمت بكل خير ..

  3. lamis Says:

    ((f)) أول شي بحب أشكر حالي على الإلهام يلي ألهمتك يا فروح
    هي شغلة
    الشغلة التانية بعتذر كتير عن التأخير بالرد عالتدوينة بس الاكتئاب حقيقة كان مانعني ما كان فيني أعمل شي وكل هالمشاكل حواليي
    بس حالياً رواق وحاسة حالي بقمة التفاؤل
    شكراً على نصائحك وبعترف بذكائك فوفو لأنك أخدتي من الموضوع الجانب الإيجابي الي هو الحل
    شكرااااااااااً من قلبي على اتصالك الرائع للاطمئنان علي وما دام عندي رفيقة بلاقيها بوقت الصعوبات ما عاد خاف من الاكتئاب
    ملاحظة : تدويناتك مدونتك دوا للاكتئاب
    دمت بألف خير يا ذكية

  4. Moaz Says:

    جميلة جداً هذه التدوينة …
    أروع شي الرقص والغناء والتمثيل … والله كتير بيخففو الهم
    بس يمكن المجتمع ما بيتقبل يشوف شخص هيك …

    بس والله يلي بده يسمع حكي العالم بعمره ما بينبسط …

    تحية كبيرة إلك على هالروح الحلوة والتدوينة الحلوة … 🙂

  5. ريم Says:

    فعلا يا فرح ما تركتي شي لحتى أضيفه
    ورح ضم صوتي لصوتك
    اللعب مع الاطفال او قضاء بعض الوقت معهم مستحيل ما يزيح الكآبة ولو لبرهة
    و انو الواحد يشغل حالو بأي شي وما ينعزل
    والاهم من كل هاد انك ما تستلم لها الحالة وتكون مصر انك بدك تطلع حالك منها بأي شكل من الاشكال

    الله يديم الفرح عليكي يا فرح 🙂

  6. روح الياسمين Says:

    ابتسامة بسيطة………
    نظرة تفاؤل ……….
    هكذا أرمي الأولى في الجحيم والثانية في جحيم الجحيم .
    تقبلي مروري بود

Leave a Reply