تصاميم صديقتي دنيا ..
مرحبا..
صديقتي دنيا ..صممت هالتصاميم .. (اللي بتابع التدوينات مع التعليقات بيعرفها فوراً .. طيب تلميح صغير … هي اللي بتفضحني بتعليقاتها دائماً ::1:: ::1:: )
حبينا نعرضهم عليكم وتعطونا رأيكم فيهم ..
أول تصميم .. اضغط على الصورة لتظهر بحجمها الطبيعي ..
تاني تصميم .. اضغط على الصورة لتظهر بحجمها الطبيعي ..
طبعاً كل تعليقاتكم وانتقاداتكم رح ترد عليها دنيا .. ::7::
فبراير 27th, 2009 at 4:30 م
لك شو هالابداعات هي يا دندوووش .. والله شي حلوو .. بس عفكرة لسا ما شفتو شي يا جماعة .. يعني لسا ما خفي اعظم هه ..
يلا عقبااال ما يوصلوو ابداعات للعلالي يااارب والله بتستاهلي كل خييييييير حبيبتي 🙂
فبراير 27th, 2009 at 9:48 م
حلوين 🙂 دينا 🙂
فبراير 27th, 2009 at 10:52 م
بما أني شرير ، رح أحكي دج :
– التصميم الأول ، الفونتات غير مناسبة لموضوع الصورة لا حجماً ولا نوعاً، أيضاً ربما تحتاج للوحات تحكي دمشق بطريقة أفضل وأكثر رمزية
– التصميم الثاني عصري ، والـ Ornaments المستخدمة فيه هي عنوان المرحلة الحالية بالتصميم، الكل يستخدمها، أظن أن هناك إعلان شامبو يشبه بفكرته ما أراه فيها.
تحياتي لدنيا ولك.
فبراير 28th, 2009 at 12:28 ص
هلأ بالنسبة للصورة الأولى, الفكرة اللي لازم توصل, هل هيي أنو دمشق عاصمة الثقافة بسبب قدمها؟ ولا أنو بتجمع القديم والجديد؟ ولا شو؟
هلأ اذا كان الأول فالخطوط والتصاميم الجانبية غير مناسبة
أما اذا كان الثاني فأوكي … بس لو كان الخط انتيك أكثر بيطلع احلى …
بس اختيار اللون كثير موفق وما فيها تعجيق … مريحة يعني …
بالنسبة للثانيةحلوة كثير بس الخط ::17:: في خطوط أحلى بتتناسب مع هالنمط من الرسوميات …
بس برافو … شي حلو كثير ::23::
أنس
فبراير 28th, 2009 at 4:12 ص
بسووم:
حبيبتي..كتير انبسطت فيكي وبتعليقك..وانبسطت انك اول المعلقين..
الله لا يحرمني منك يارب ::25::
أحمد نذير بكداش:
أسعدني مرورك..شكرا الك…عيونك الحلوين ::14::
مستر يورانيوم:
بيشرفني نقدك للتصاميم..واكييد الدج احلة بكتيير من تمسيح الجوخ.. ::23::
بالنسبة للتصميم الأول..
كنت حابة وصل فكره زغيرة.انو الشام عاصمه الثقافة..بكل شي فيها..بجديدها وقديمها..
يعني متل ما ملاحظ ..الصور بتجمع بين الجديد والقديم..مع ملاحظه زغيره…انو كل الصور من تصويري انا وفرح..
وبالنسبه للفونتات..ف حأراعي حسن اختياري للمرات القادمه ان شالله
ملاحظه: مين قال انك شرير؟!؟!؟
انس::
شكرا كتيرر الك ولتعليقك..
ومتل ما قلت سابقا ..فكره عاصمه الثقافه انها بتجمع الجديد والقديم..
وانبسطت انو التصميم الثاني عجبكون..حاولت خلي الفونت بسيط نوعا ما..لحتى ما تنعجق كتير
كلمة اخيرة:
رح انتبه كتير منيح في المرات القادمه لحسن اختيار الفونتات بشكل اكبر..لتكون مناسبه للتصميم اكتر
شكرا لكم كتيير كتيير واسعدني مروركم ::2::
فبراير 28th, 2009 at 4:22 ص
التصميم التاني عجبتني فيه طريئة استخدامك للشفافية .. بس حبذا لو كان في فراغ أكتر بين الصور يعني شغلة 4 بيكسل
بشكل عام حلوين التاصاميم.. بس اللون البني ما بحبو أنا
موفئة دنيا
وشكراً فرح ::2::
فبراير 28th, 2009 at 7:28 ص
السلام عليكم ..
الاولى حلوة عجبتني بس التانية ما حبيتهم لأني ما بحب التصاميم الي فيها تجسيد لجسد المرأة حتى لو كانت نص مشفرة 🙂 .
فبراير 28th, 2009 at 1:01 م
كتير حلو التصميم الأول يسلموا ايديكي
وشكرا للناشر ::4::
فبراير 28th, 2009 at 3:34 م
لك أهلين مستر بلو…نوّرت المدونة والله..
اولأ اذا ما بتحب اللون البني هي مشكلتك…(هههههه عم امزح والله عم امزح) ::5::
انا عطيتها هاللون هاد ليعطيها نوع من الفخامه والتعتيق
-المره الجايه لما اعمل تصميم كلو شباب( لحتى feel ur self ::23:: )رح راعي نصايحك
ههههه..
أسعدني كتييير مرووورك..ونقدك يلي بسفيد منو
mohammad-online:
انا بدي اعتذر منك كتييير..اذا التصميم التاني ما حبيتو لانك شفت فيه تجسيد لجسد المرأة
مع اني ما قصدت اعمل هيك شي ابدا…ومالي شايفه فيه هالشي هاد..
مرة تانيه بعتذر منك..وبشكرك كتييير على رأيك يلي بيهمني ::14::
مهند:
وايديك اخ مهند…وشكرا الك
وانا بدوري بدي اشكر كمان رفيقتي يلي مافي منها ..فرووحه..لانو اقترحت عليي تستضيف تصاميمي عندها عالمدونه ::25::
شكرا لكم
فبراير 28th, 2009 at 4:37 م
ماشاء الله , شو هالإبداع هادا , يسلموا إيديك وإيدين دنيا .. وبالتوفيق لكم 🙂 …
أدهم
مارس 1st, 2009 at 2:06 ص
كتير حبيت فكرة إنو فوت عالمدونة ولاقي موضوع لدنيا
هلق للصراحة مارح أحكي تقنياً والخط كان لازم يكون مدري شو
رح أحكي ذوقي بلتصاميم
الأول كتير تقليدي
أما التاني ألوانو عنوانو كتير حلو
بيجنن دنون
بس ياريت كترتيهون شوي ولا صاحبة المدونة ماوافقت ::4:: تنشرلك أكتر
مارس 2nd, 2009 at 4:39 ص
اخ ادهم:
شكرا لك ..ولكلماتك الجميله..
اسعدني مرورك ::2::
لموووووووس::
حبيبتي دنيا موجودة وين ما كان…مو بس هون عالمدونة !!! ::23::
الحمدلله ياربي ..الحمدلله..انو التصاميم عجبوكي ست لموس.. ::8::
وبالنسبه لرأيك بالتصميم الأول..والتلفزيون السوري..(خلي الطابق مستور)
::7::
وبالمرات الجايه..شو رأيك حط تصاميمي عندك..مشان تحطيلي ياهن كلون…بما انو في ناس ما وافقو ينشرولي اكتر !! ::23:: !
لك الله يخليلي فروحه يارب..ولا يحرمني منها..
شكرا كتيييير فووووفة..عنجد شكرا ::2:: ::2:: ::2::
مارس 2nd, 2009 at 12:19 م
لا شو تعتذري ما تعتذري، انتي صممتي الي شايفتيه مناسب و انا ابديت رايي بمنتهى الصراحة و انا الي بعتذر اذا ضايئك كلامي.
تحياتي
محمد
مارس 2nd, 2009 at 2:10 م
أخ محمد…انا ابدا ما تدايقت من كلامك
بالعكس فرحت كتير لأنك عطيتني رأيك بصراحه ..وهالشي كون أكيد اني رح استفيد منو
تحياتي إلك اخ محمد..وشكرا كتيييير لرأيك يلي بفتخر فيه ::14:: ::2::
مارس 2nd, 2009 at 4:39 م
طيب هلاء صار دوري رد على التدوينة الحلوة هي ..
بالنسبة لأول تصميم يا صديقتي فأنا بحب فيك كتير حبك للشام القوي .. ويتزكر أول ما بديت تصممي شلون عملت واحد للسياحة 🙂 وبتزكر كتير ايامنا بالشام القديمة ودوراتنا فيها ومشاويرنا وكل ما بشوف صورة بفكر بالوقت اللي لقطيها فيه .. ووين هي ومنا سوا أولاء .. وبتطغى علي هالأفكار وبنسى فكر بالتصميم كتصميم .. أو أني اقدر انقد شي أنا بحسو من روحي .. 🙂
لكن باعتبارك طلبت .. فانا تمنيت لو كان فيه أكتر من لون يعني الصور تكون ملونة او الباترنز تكون من غير تدرج .. وتمنيت لو يكون في انعكاس للصور ..
التصميم التاني يا صديقتي .. ففكرتو كتير حلوة وانو كل شخص لازم يعبر عنو بفكرة شكل بهالفكتورز ..الباترنز اللي فيه كتير حلوين .. يمكن لو كان الستروك على الصور أخف أو أفهى كان عطتو اندماج أكتر بكتير .. وبيبقى هالحكي مجرد اختلاف أذواق لا أكتر ولا اقل ….
دندون المدونة وصاحبتها على حسابك ::25:: ::2:: ولا تسمعي للاشاعات اللي عم يطلقوها اللي أول أسمن لام واخرو سين وبالنص ميم وياء ::30:: .. لانو انت بتعرفي مين الديك ومين الجاجة .. ::18::
ورغم هالشي بتمنى يصير عندك مدونة وتنشري فيها أفكارك وجنونك وتصاميمك .. لانو ما بتتعوض
على فكرة يا جماعة دنيا ألها تصاميم كتيرة تانية بس حاطة فيها أشخاص .. واكيد ما منقدر ننشرن على النت .. بحب خبركم انو انا وياها عم ندور على شغل بالتصميم .. فمن يجد في نفسه الكفاءة يقدملنا طلب شغل ::1::
مارس 3rd, 2009 at 2:36 م
تصاميم رائعة ..
وألوان جميلة ،، متناسقة يدل ذكاء مبدع ، و فنان قادم بقوة ..
اتمنى لكم مزيد من الابداع
::28::
مارس 3rd, 2009 at 3:43 م
فروووحه حبيبة قلبي..(ليش مو حاطه سمايليه فيها قلب !!!!!)
انحني خجلاَ أمام كلماتك الحلوة..عنجد عنجد خجلتيني..
وبنفس الوقت رسمتي البسمه على وجهي بكل حرف كنت عم أقرؤا
الله يخلينا لبعض يارب..لنرجع نعيش كل لحظه حلوة..وكل لحظة جنان كنا فيها مع بعض
الحياة بلا صحبة حلوة وبلا جنان مالها طعمة بنووب
الله يخليلي هالمدونه وصاحبتها..قولو آمييين يا جماعة ::4::
إيمان خانوم:: إحم إحم ::8::
شو بدي إحكي..والله ما بعرف..
بس تشرفت فيكي وبتعليقك على التصاميم…وبالنسبه للأخطاء الفراغية ..
بركي voice to voice…بتقليلي عليهن ::23::
انبسطت كتييير فيكي
وابقي سلميلي على اختك آخر العنقود..ويالله عالوسطانية بالمعية بلا ما تزعل منا ::1::
مارس 6th, 2009 at 4:00 ص
اللغه اليابانيه..
شكرا لك صديقي…اخجلتني كلماتك..
وزادت من عزيمتي بقوة كبيرة
اشكرك..اشكرك. ::2::
مارس 14th, 2009 at 3:45 ص
مرحبا فروح و دندون :
دنيا تصاميمك كتير حبيتن و خصوصا التصميم التاني عنجد حلو بذكر بالصيف و الانطلاق و بيعطي نشاط و الحلو في شكلو البناتي أنا كتتتتتتتتتتتيير بتعجبني هيك شغلات و للملاحظة ما فهمت من التعليقات السابقة كلمة الفونتات بس شو ما كان معناها فونتاتاتك حلوين كتير و الله يوفقك دائما ::2::
keep going ::23::
مارس 14th, 2009 at 1:45 م
حبيبتي نوووور انت يلي بتجنني
ما بتتخيلي قديش فرحت فيكي وبتعليقك ::14::
عنجد مبسوطه فيكي كتييييير كتييير ::25:: ::25::
وانا هلا كل ما رح حس حالي بلشت عزيمتي تضعف..رح اتزكر كلماتك..واكيد رح تقويني ::23::
فونتات:يعني الخطوط تبع التصميم
يعني Fonts ::12::
الله يخليلي ياكي يارب يا احلى نووور
ونورت المدونه بوجودك حبيبتي ::4::