أُفــكر .. .. ..

ماذا تعني لكم خربشاتكم، وهل تهتمون بمعناها… وماذا تعني هذه الخربشة  ؟ ::6::

thinking

لم تعرف ما هو المقصود من خربشتي.. دعني أقول لك ..

عندما أفكرتنقلب الدنيا رأساً على عقب، تخرج زوبعةٌ لا يعلم بوجودها إلا أنا، تنطلق في أنحاء المكان لتندمج في الرياح القويّة علّها تغير شيئاً في زمنٍ قادم ..في النهاية وكما يقول عمو رينيه ديكارت أن أفكر إذاً أنا موجود.. أقول:أنا أشخبر إذاً أنا موجودة، عندي يقين أن كل خط نرسمه أو نكتبه يعبر عن شيء ما داخلي من اللاوعي بغض النظر عن ما هو ظاهر في الحقيقة لدى العيان، في لحظة تفكير وخارجاً عن الإرادة، من اللاوعي ظهر هذا لرسم بالقلم الرصاص وقمت بتعديله قليلاً على برنامج الفوتوشوب …

قد لا يبدو مفهوماً وهو بالفعل خربشة ..لكنه يعني لي الكثير عندما أنظر إليه ..

كونوا بخير ..

الوسوم:

19 من التعليقات لـ “أُفــكر .. .. ..”

  1. ranaNo Gravatar قال:

    أنا أؤمن بأن الخربشـــة لها معنى حتى شكل الخط أيضاً يدل بطريقة ما عن صاحبه إن كان إنسان مرتب مثلاً أو فوضوي هادئ أم عصبي وهكذا ..

    عندما أنظر إلى رسمتك أرى فتاة قد تطيّر الهواء شعرها بطريقة دائرية و لكنها بنصف وجـــــه .. !!
    هكذا رأيتها ..
    ربما لديكِ الكثير من الأشياء التي تفكرين بها حاليّاً ربما هو طموحك ..

    شلون التحليل قريب أم لا ؟؟

  2. gabrielNo Gravatar قال:

    بحسب راي الشخصي

    صورة لرجل ضائع المعالم ، معلمه الوحيد انه يصغي إلى ما حوله من كل حدب او صوب ، الخطوط في منتصف الشاشة والممتدة إلى الجزء الايمن العلوي منها تتبعثر بشكل متدرج لتندمج مع السطح الافقي المتعامد عليها الا ان ضربة قلم لارصاص قد خابت في بعض المواضع لتخرج عن المقطع فتترجم نفسها كخطوط مستوية متقاطعة بزاوية حادة مع سطح الخطوط الأخرى ،

    تدويرة الخطوط في الزاوية 3 ” الزاوية اليسرى السفلية ” اقرب ما يمكن لوجه جانبي يعود إلى فتاة جميلة .

    بتمنى ما كون كتير بعدت بتحليلي ورؤيتي عن الشي اللي انتي قاصدتيه .. بس هاد اللي انا شايفه من الناحية الفنية .

  3. أنسNo Gravatar قال:

    عفكرة انا كثير عم احن للورق ..
    شغلنا مو كله تقني وكمبيوتري … مشان هيك ما عنا خربشات وكل شي عنا محسوب عالنقطة ::20:: .. خليها على الله ::3:: …

    ياستي الخربشات حلوة …
    بس لشو الدوامة اللي عم تلفي فيها؟
    شو قصتها فرح؟

  4. أحيانا أخاف على نفسي من خربشتي

    تحياتي

  5. دنياNo Gravatar قال:

    انا بالنسبه الي ما بشوف من هالخربشات هي الا..
    فرح سرحانه وماسكه هالقلم وعم ترسم على دفترها صاحب اسرارها صاحب الشكل الممميز ومالها حاسه على شي بهالدنيا…عالمها صار لحالها..وما بيصحيها منو الا شي نكشه قويه وصوتي عم يقلها فررراااااااااح….

    ياريتك خليتي الصورة متل ما هي..ومااضفتيلها اي معالجه..

    وانا هون اطالب واطالب بشده وشدة قويه انو تحطيلنا هون صور الدكاتره يلي كنت ترسميهن خلال المحاضرة ههههههههه ::4::
    اكرر..”أطااالب واطالب بشده” ::23::

    تقبلي مروري خفيف الظل ::17::

  6. FaRaHNo Gravatar قال:

    Ahmad . M . G
    أهلاً .. أهلاً وجودك الجميل ..
    …..

    رنوووشة …

    بوافقك على كلامك بخصوص الخط
    قريب كتير كتير رنوشة .. صحيح في أمور كتييرة عم فكر فيها .. وطموحي كبير وبعييد .. بحسو أحياناً عم يتحول لمجرد أحلام وبس .. ::13::

    ….

    gabriel

    بتعرف يمكن هالتفسير رغم أنو ما فكرت فيه .. يكون في شي من الصحة ..لانو انا كنت آعدة بمشروع تعليم الصم وفي جزء من تفكيري تعلق فيهم ..

    قد يكون هناك فتاة جميلة ..

    شكراً كتير على رؤيتك انبسطت بمرورك ..

    ….

    أنس ..

    أهلاً صديقي ..

    حاولت أكتر من مرة أني استغني عن الورق بس ما لقيت حالي غير فيه ..
    حتى أنو عندي مسند ما بينزل الوحي إلا إذا هو بأيدي ..
    بحب كتير أيام الامتحان لسبب واحد هو أنو بتخليني مع القلم الرصاص والورق أغلب الوقت ..

    الدوامة مو دوامة .. لكن الحياة قد تكون دوامة بس مو كلنا بضيع فيها أحياناً منمشي معها .. واحياناً منطير بعيد فبتشكل دوامة خاصة فينا .. بديت خبص شي ::13::

    ……

    أحمد ..

    الحق معك ..احياناً بصير هيك .. بس لازم تواجهوا بعض وما تخاف منا منوب ::4::

    ……

    دندووووووووووونتي … ::2::

    اخ منك أخ .. لك ايمتى رح تبطليها هالعادة ..فضحتني ::30::
    مشان انو ما ضفلها معالجة كان السبب الرأسي أنو سطور الدفتر نازعتها مشان هيك عدلت شوي عليها ..

    ههههههههههه صور الدكاترة لكان ..لك بدك ياني طير من الجامعة ::13:: والله حرام انا … بركي الفصل الجاية منكملن ومنزلن كلن سوا .. أو وقت التخرج بيكون احسن شي هيك بضمن ما عاد يصلولي .. ::4:: ::4:: نورتي التدوينة والمدونة

  7. lamisNo Gravatar قال:

    فوفة أنا إذا بخربش بكتب اسمي بشي ستين ألف طريقة وعلى رسماتغالبيتا رومانسية مطر ورد فراشات ومن هالنوع بتعنيلي كتير و أكيد إلها معنى داخلي
    بس يلي فهمتو من خربشتك هي أو لوحتك إنو في رياح في تشعب لشي في انطلاق إنشالله كون صبتا
    بعدين أنا كمان بطالب بشدة برسمات الدكاترة ::4::

  8. LORD.M.MNo Gravatar قال:

    تحياتي

    اعتقد ان الخربشة هي بداية الخيط فقط و من الكسل ان نتوقف عندها و نعلن اننا خربشنا !! لكن الاجدر ان نجتهد حتى تصبح هذه الخربشة شيئا منطقيا و مقبولا .

    تحياتي

  9. U : 92No Gravatar قال:

    هذه اللوحة تشعرني بالضيق والحزن والتشويش

  10. U : 92No Gravatar قال:

    - تتمة

    تركتها على الشاشة وعدت إليها أكثر من مرة ، لا أدري لم تركت عندي هذا الشعور.

  11. fatoshaNo Gravatar قال:

    يمكن هدول أدين ممدودة للمساعدة

    وأدين عم تلطشك لدرجة أنو رح توقعك

    ما بعرف هيك حسيت ::7::

  12. عونيــNo Gravatar قال:

    لو أنني أفهم في الرسم لقلت لك بأن هذه زوبعة أو إعصار قوي، أو رسمة ناتجة عن مشكلة مع إحدى صديقاتك، و لكنني و لله الحمد لا أفهم بالرسم :]

  13. Mr.SalhaniNo Gravatar قال:

    فرح ما فهمت شي من خربشتك لانو هالحياة صايرة كلها خربشة ومو فاهمين منها شي

    انا شخصيا من اكتر من 3 شهور مشتهي اكمش ورقة وقلم كرمال شخبر بس!!!

    فرح شكراع شخبرتك يلي يمكن خلتني عنجد اكمش ورقة وقلم وشخبر بركي بقدر افهم شو عم يصير …

    بس عنجد زعلت عالورقة …ههههههه…انو هيي شو ذنبها نفرغ عقدنا عليها؟؟

  14. FaRaHNo Gravatar قال:

    لموسة ..

    في انطلاق في ::6::
    دخيلك انتي ودنيا انو شو عاملتكم بدكم طيروني من الجامعة ::3::

    LORD.M.M
    كلامك صحيح 100% لكن لا أعتقد أن أكون مجتهدة في تطوير خربشاتي !
    أهلا وسهلا فيك انبسطت بمرورك


    U : 92

    بدي أعتذر منك لانو تركت هالشعور .. ما بعرف بجوز لانها باللون الأسود .. أو لكترة الخطوط فيها ..يمكن لانها “معجوئة “أكتر من اللازم!!!
    والله يبعد عنكم وعني الحزن

    .. ..

    فتوشة ..

    ان شاء الله تكون الأولى ::4::

    .. ..

    عوني ..

    مالي متشاكلة مع حدا هالكم يوم .. اممممم في زوبعات ورياح كتيرة بدمشق ! ::23::

    .. ..

    عامر ..

    طول بالك .. زعلتني على هالحياة ::13::
    السخبرة بتساعد على تفريغ الطاقات والشحنات والانزعاج والانبساط كذلك .. ولازم نتأكد أنو هي مو عقد .. وحتى لو كانت مافي حدا خالي من العقد ..وتتراوح الدرجات
    بتمنالك خربشة طويلة !!

    أهلا وسهلا عامر ..

  15. maram_softNo Gravatar قال:

    هي مو خربشات هي افكارك وافكاري هي تاملاتك يلي عم تهربي منها
    انا تخيلتها أذن بشرية تحاول الهورب من الافكار

  16. S@NANo Gravatar قال:

    مرحبا فروحة الحلوة..
    صدقا اول ما شفت اللوحة فكرت اشتريها من عندك.. فينا نحكي بهالموضوع بعدين؟؟ عم احكي عنجد..! وعلى فكرة اللوحة يلي انت بتعتبريها خربشة أنا كتيييير عجبتني .. على عكس البعض أنا أول ما شفت اللوحة اجاني شعور بالاستيقاظ والتركيز .. شايفه فيها بنت عم تفكر ومركزة بشغلة مندمجة فيها بقوة.. بدي هاللوحة بقوة .. حسيتها تنعش فيني التنبّه .. مما بعرف .. بس حبيتها

  17. banotehNo Gravatar قال:

    فروحه ..
    بتجيني حالات مابرتاح إلا لما خربش عالورق .. كانت رسمه ببالي أو هيك لله في الله .. بترك التواصل يتم بين الروح والقلم .. ::14::
    والصوره اللي راسمتيها إلا مابتكون بتعبر عن شي ببالك أو عم تمري فيه … حلوه يعطيكي العافيه
    ::23::

  18. nashwaNo Gravatar قال:

    فروحه وأنا بقرأ تدويناتك الجميله وجدتنى أقترب منك كثيراً حقاً أحسست أنك إنسانه جميله ورقيقه ومثقفه.
    وأحسست لبرهه أننى أقرأ تدوينات إبنتى فهى فرح مثلك ولكنها لم تتم عامها الأول بعد
    أحلم بها وأختها تكبران وتكونان على مستوى جيد من الثقافه والإنتماء للوطن.
    أما عن الخربشات فبالتأكيد لها مردود فى نفس صاحبها وأظن أنه من السهل على متخصصين أن يكتشفوا شخصية أى إنسان من خربشاته
    بارك الله فيكى
    أختك نشوى

إكتب تعليقك