امتحان هوائي !
قد يبدو لكل شخص ٍ منا وهو يدرس للامتحان بأنه الطالب الوحيد على وجه الكرة الأرضيه الذي يخوض هذه المعركة..
بالنسبة لي مازلت أظن ذلك حتى تردد أمي فوق مسامعي كلما بدأت مشروع “النئ” (( فرح مو أنتي أول وحدة ولا آخر وحدة بتقدمي هالمادة وكتير غيرك نجحوا ..يلا ركدي على الدراسة !! ))
هنا قد أركض مزمجرة ! أو مستهترة ! وأحياناً أجلس في أرضي رافضة، تتغرغر الدمعة في عيني، تأبى النزول وتأبى العودة منتظرةً فرجاً من عند الله !
أوهم نفسي أحياناً كثيرة أني والامتحان متباريان .. سيتغلب أحدنا على الآخر .. لعلّ هذا التصور جاء من سؤال والدي بعد كل امتحان (( شو فرح سجلت كول- GOAL- ))طبعاً تتراوح الأجوبة بين .. ((اجت بنص عينو .. أو طلعت فاول !)) “رغم أني لا أتابع المباريات سوى الاحتفاظ بتشجيع فرنسا وريال مدريد “
و أوهم نفسي أحياناً أخرى أني والامتحان أصدقاء وأنا وابن عمي على الغريب ألا وهو الدكتور .. الدكتور الغريب، صاحب الأسئلة الغريبة! في كثير من الأحيان يرفض الامتحان صداقتي ويكون مع الغريب عليّ ..!لا يهم بقدر ما أكون صافية النية وأريد هذه الصداقة وأبذل قصارى جهدي في ساعاتٍ طويلة من الدراسة أسترضيه وأقترب من جانبه!
قد تكون طقوسي غريبة أثناء الامتحان، الشعر المنكوش .. وعلامات التوّحد .. الحب المتوّلد للقهوة والنسكافيه الذي يفاءجهما .. مع ازدياد عيار الهلوسة و الجنون !
وقد تكون طقوس الامتحان نفسه غريبة :
– الأسئلة في جامعة دمشق تأتي ثلاثاً أو أربع وأجوبتها عشراً أو خمسة عشر صفحة وعلى كل ٍ منها ما يقارب الثلاثين أو أربعين علامة
(طيب عنجد شو هاد تحدي يعني … يعني إذا درست كل الكتاب وتركت عشرين صفحة جاء منها سؤال عليه 40 علامة نسبة رسوبي تكون 50% باعتبار أن كتابة الأجوبة الباقية قد لا تكون بصماً! )
– الأسئلة المؤتمتة في جميع الفروع تأتي وكأنها حزورة وأربح معنا ليرة .. أو تتمة للفراغ “المدحوش في زاوية صفحة ما” .. وقد يأتي أكثر من جواب صحيح .. ويضيع الطالب بين الألف والباء حتى يظن نفسه بأنه قد نسي اللغة !!
– ورقة الأتمتة حمراء جميلة، تقول اقترب مني ودحرج القلم .. وليصيبك القليل من الاحولال الأحمر .. بسيطة !
– علامة حلقة البحث 19 يا فرحة قلبي !! تأتي علامة النظري 30 !! طيب علامة واحدة فقط لا طلبنا دولار ولا يورو ؟! راحت المادة إلى الفصل القادم .. حظاً أوفر صديقي الممتحن
– 7 مواد في فصل واحد .. المحاضرات تهبط من السماء قبل عطلة الدراسة بأسبوع .. لحقوا معلش خليكم كول ولا تناموا !
– مادتين لا يوجد بينهما فراغ سوى نصف يوم .. مراجعة ويادوب تلحق !
– درست أكثر .. كتبت أحسن .. رسبت ونجح الآخرون ..نسيت أن أحضر متر للقياس كم شبر كتبت.. غلطتي ما حدا ألو ذنب !
والكثير الكثير .. تستطيعون أن تتحدثوا عنه ما شأتم وتفشوا قلبكم !
يا جامعة دمشق الحبيبة … لماذا تتبعين هذا الأسلوب في المناهج؟؟ في جميع جامعات العالم يا عزيزتي .. يقوم الطالب بطلب عدّة مواد حسب مقدرته .. وتخيلوا أنهم يخافون على مقدرته ولا يسمحوا له بأن يطلب أكثر من 5 مواد !!
جبابرة سوريا يحملون أكثر من 10 مواد في الفصل !
المقرر هو المقرر لماذا لا تعطونا إياه في البداية .. أو لماذا لا تعطون المحاضرات من قلوبكم ..تتحجون بأن الطلاب لا يأتون للدراسة ! كيف وصلوا للجامعة إذاً .. حاولوا مجرد محاولة أن تخرجوا من وسائل الإعطاء المملة .. حاولوا أن تشاركونا .. وعندها فقط قرروا إن كنا جئنا للدراسة أم للعب والضحك عليكم ؟!
المعادلة 1+1= 2 … أسئلة + أجوبة صحيحة = نجاح
المعادلة المعدلة اعتباطياً 1+ 1= 0 … أسئلة + مزاج+ بصموأجوبه شبه كاملة + ترتيب جميل+خط رائع+ ؟؟؟؟ = نجاااح
سأتوقف هنا .. كانت هلوسة بعد ست ساعات من طحن الأحجار.. عفواً أقصد الدراسة !! ::20::
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
على الهامش: قمت بإنشاء صفحة جديدة للعروض التقديمية .. هنا ::25::
Tags: جامعة دمشق، إعلام ، صعوبة الأسئلة، امتحنات، هلوسة ، جنون،تعب ،
يناير 23rd, 2009 at 12:02 ص
لو كنت أعجب من لاشيء لأعجبني سعي الفتى وهو مخبوء له القدر … يسعى الفتى لأمور ليس يدركها… والنفس واحدة والهم منتشر …!
يناير 23rd, 2009 at 2:57 ص
((ماتخنقه الجامعات بأنظمة تعليمها، يعادل ثلاثة أضعاف ما تخلقه.))
غيورغي فاسلييف ::27::
يناير 23rd, 2009 at 3:51 ص
فعلاً أسوء شعور لما الواحد يحذف فقرة أو صفحة لما بيدرس وثاني يوم في الامتحان تكون أول شي بيقراه بورقة الأسئلة فعلاً صدمة مزعجة لدرجة كبيرة ::11::
بالتوفيق ان شاء الله
الك ولكل الطلاب اللي عندهم أمتحانات
يناير 23rd, 2009 at 8:48 ص
وقفت كثير عند
( تتغرغر الدمعة في عيني، تأبى النزول وتأبى العودة منتظرةً فرجاً من عند الله )
آآآآه بس .. جبتيها ع الجرح
يافرح .. 🙁
بالتـــوفيق ..
يناير 23rd, 2009 at 11:04 ص
معك حق انا الحمد لله تخرجت بس طوال قترة الدراسة علامة 47 يلي هي علامة الرسوب ما فارقتني يعني علامة بس وبنجح هي شغلة الشغلة التانية اذا انت بتقدمي 10 مواد أنا كنت قدم 12 تخيلوا 12 والنتيجة عقل ما بيفهم غير بالرياضيات والتحليلات المنطقية وهيك صعب اتعامل مع الناس ونقص 2 درجة مع انحراف بعيوني يعني يرحمونا شوي ::21::
يناير 23rd, 2009 at 11:07 ص
أولاً وقبل أن أكمل القراءة …
الصورة راااااائعة …
وبعد القراءة …
أوصيكي بفتح صفحة جديدة للهلوسات …لك مستقبل هائل بالهلوسة …
انا عم اقرأ …
ماني عرفان أضحك ولا أصفن بالواقع …
تحياتي فرح ::20:: …
برجع بقول الصورة رائعة ::4::
يناير 23rd, 2009 at 2:00 م
بالتوفيق في امتحانك كان يصيبني الشعور نفسه تماما
ربما سلوكيات الطلاب في جامعة دمشق موضوع شيق لكي يثار بشكل تفصيلي
آه على تلك الأيام ما أجملها ليتها تعود
يناير 23rd, 2009 at 2:03 م
طبعاً أعول وأقول …
دمشق , حلب …
الجامعة هيي هيي …
مع اختلاف المكان …
ربما تجربة مرحلة الماجستير تختلف …
على الأقل معي اختلفت … ::10::
يناير 23rd, 2009 at 2:04 م
تستطيعين إدراج تعليقك عبر النموذج :
فرح عزيزتي هل المدونة للإناث فقط لكي تدرجي عبارة تبدأ ب تستطيعين ؟!
لغويا ونحويا لوكان هنالك ألف امرأة وبينهم ذكر واحد ينادوا ب هم وليس هنّ
يناير 24th, 2009 at 3:42 ص
عليك تحمل هذا الواقع ، لكن لا تعتمدي على ما تعلمته في الجامعة كلياً، اعتمديه منطلقاً فقط.
يناير 24th, 2009 at 3:50 ص
ربيع ..
رغم جنون غيورغي والذي لا أحبذه إلا أن كلامه هذه المرة في مكانه !
وسقي الفتى يعود على الفتى بالنهاية !! رغم أن النفس واحدةٌ والهم منتشر !
ღ ღ
Ahmad . M . G
صحيح الحق معك لازم يهدي حالو ويكون رابط الجأش بهالحالة ..
ღ ღ
e7sasy
الحمد لله هيك جرح ألو دوا .. ::2::
ღ ღ
مرام ..
والله شو ما قلت الحق معك .. كل الجامعات كوم والهمك كوم تاني .. يلا الحمد لله اللي تخرجت .. لازم طالبيهم بعطل وضرر ::22::
ღ ღ
أنس
ههههههههههه ::1::
بكرة بدي أعمل حزب المهلوسين العظماء ..
وشوف اديه رح يكون في ناس
لكان ما تستوهن فينا ::7::
اهلا وسهلا انس .. وجودك الرائع ..
ما عندي فكرة عن الماجستير بس بشكل عام بحس انو في حرية مع الطالب أكتر ..يمكن !
ღ ღ
محمد ..
شو ياليتها تعود ما تعود ::11::
قول الحمد لله انك خلصت ..
ازا بدك منتبادل ::6::
المدونة مو بس بالفتيات اكيد اكيد وانا بنبسط بوجودكم ..
لغوياً ونحوياً صح وما اختلفنا .. وكمان ازا بدك بالفرنسي بنادولهم كلن على اساس ذكور ولو كان اللي بينهم طفل
لكن على المذهب الفروحي .. كل شي ممكن يصير ::17::
بشكل عام انا حبيت غيّر شكل ..وادعم الإناث وخصوصي في المدونات .. لانو متل مو شايف نسبتتن قليلة جداً ..
ღ ღ
يوراميوم
صحيح عليّ أن أتحمله كما تحمله كثيرون ..و سأتحمله بكل مافيه بإذن الله .. تبقى الجامعة لها محاسن يجب أن نسلط عليها الضوء يوماً ما .. ::6::
يناير 25th, 2009 at 7:40 ص
مرحبا فرح
في واحد من تنين : يا أما صايرة آلامنا الجامعية مضحكة … يا أما أسلوبك الفكاهي ناجح جدا وكسب ابتسامتي
نرثي لحالك جامعة دمشق
وشكرا
يناير 25th, 2009 at 8:13 ص
بالتوفيق … شدي حيلك .. ::1::
يناير 26th, 2009 at 7:46 ص
فرح شكلك معانية عالمزبوط ..
هلأ شوفي لقللك شغلة انو الفحص مافي حظوظ لا والله في حظوظ
لان اذا تركتي شي 10 صفحات واجا منهون شي 20 او 30 علامة بيكون حظ سيء أما العكس فبيكون الله بيحبك :))
بس بتعرفي الشغلة يلي بتخفف عنا
هو انو كلياتنا بنفس المصاب
يعني متل ما عم تدرسي عم ندرس كلنا
بتلاقي اللي حواليكي متلك فبتحسي براحة وانتعااااااااش
بس نسيتي تذكري شغلة بتضحك .. متل اليوم فات دكتور المادة وقال : حدا عندو سؤال ..
منسألو بيقوم بيبهدل وبيقوم فهمو لحالكون
طيب ليش جاية عم تقول حدا عندو سؤال اذا بدك تبهدل
شايفة الطالب عنا شو مقدر و محترم ؟؟؟ ::7::
اسفة طولت بس الموضوع كبير و كلياتنا معبايين و بدنا نفضفض
موفقة فرح ::28::
يناير 27th, 2009 at 3:26 ص
Mr.Salhani
اهلاً عامر ..
بختار رقم تلاتة ! ::8::
عفواً ..
تغريد …
شكراً ::21::
rana
الحق معك ..
احيان واحيان .. بس انا متأكدة انو حظي مو سيء منوب ::24::
صحيح .. بس الأحلى انو نقوم نعمل مظاهرة وعليييييييهن مو بس ندرس ::4::
اذا بدنا نحكي على تقدير واحترام الطالب لبكرة ما منخلص ::22::
بنبسط كتير بتعليقاتك ::25::
يناير 28th, 2009 at 2:54 م
إدرسييييييي شو عليه ::14:: الدراسه وين ما كان هيك سترسسس ::20:: يالله بكرة بنعملك حفلة تخرج هون ::17::
موفقه انشالله حبيبي
::2::
يناير 28th, 2009 at 11:15 م
شكراًَ جمانة على التضامن ::25::
بس مطووولة على التخرج لسه سنتين ونصف باعتبار انو قال يعني هاد الفصل خلص ونجحت فيه ان شاء الله ::6::
يناير 30th, 2009 at 8:54 ص
في لسا الي مكان هون ؟؟
فرح من يوم يومي بحب كتاباتك … وهلأ حبيتها أكتر.
ذكرتيني بأيام الدراسة بطريقة رائعة بسلبيتها وايجابيتها.
برافو فرح
يناير 31st, 2009 at 8:39 ص
اوووه فرووحه
الله يعيينك ..
توني طلعت من الامتحان الحين ::5::
من جد حاسه بمعاناتك
وراح اكتب قريب بإذن الله ” بس لما افضى ”
عن الاختبارات بجامعتنا يمكن ( لا مو يمكن اكيد ) لما تقرينها تخفف عنك كثير ::27::
موفقه يارب ::2::
فبراير 1st, 2009 at 9:36 م
تتحدثين وكأنك مقيمة هنا ..
نفس المعاناة تحدث لدينا ..
كان الله بعون الجميع ..