جامعة وديسكو في مبنى واحد!!

لم يعد هناك شيءٌ مستغربٌ في جامعتنا الموقرة، من البسيط والعادي والاعتيادي أنْ يعلو صوت تامر حسني من خلال إحدى مكبرات الصوت، وهو يصيح “أكتر حاجة بحبها فيك هي دي.. ” ونانسي عجرم وتبشرنا بأن الدنيا حلوة !! في مدرج يقوم فيه أكبر الدكاترة والأساتذة بإلقاء محاضراتهم .

تامر حسني يغني دوماً لأهداف شريفة !! بل الحفلة التي أُقيمت لم تكن إلا محاولة للتعارف بين الطلاب، وأظن أنها محاولة مجردة من أي غايات أُخرى وما ظني هذا بظن سوء !!!
لا أعرف كيف يسمحون لمثل هذه أمور أن تسير بشكل طبيعي ورسمي، وأمور ثانية نحن بحاجة لها في الجامعة تسير وهي مكرسحة ومشلولة.

ما يُؤلمني ويُؤلم جميع من هم مثلي أنه لا يوجد طريقة لإيقافهم، فهم لا يقومون بشيءٍ مخالف ٍلقوانين الجامعة مع التحفظ على أنه يوجد قوانين أو يوجد تنفيذ للقوانين،فالحفلة أقيمت في المدرج المطل على المبنى الإداري حيث تُوجد مديرة القسم و يتواجد دكاترته !!

لست ضد الانفتاح ولا ضد التعارف ولا تامر حسني ولا حتى نانسي، لكني ضد فكرة أن الحرم الجامعي يتحول إلى ديسكو تدريجياً مع موافقة من هم مسؤولون عن حرمته، جامعتنا أصبحت! أو لأقل منذ أول يوم دخلتها منصة لتقديم الأزياء السخيفة، تقليد في اللباس وطريقة الكلام والتعارف وتكوين الصداقات و (الرفئة)!!

عندما سمعت ورأيت هذه الحفلة  وقفتُ عاجزة كلياً ليس بيدي شيء سوى الاعتراض والتنظير والضحك بسخرية لكن الدم في عروقي كاد يغلي حد انفجارها، باستطاعتي الآن استيعاب الأمر على أنه ترويج لفرقة تافهة، وكسب المال لنعود للفكرة المقدسة لدى المنحطين وهي أن الغاية تبرر الوسيلة وأن جمع المال هو أهم ما يمكن للانسان “مجازاً”أن يقوم به

هذا الإعلان.. صدقاً ومن غير مجاملات “لعت نفسي” عندما قرأته لكن تحوّل هذا إلى غضب داخلي سينفجر  يوماً ما بعد قراءتي في النهاية (والنصر لقضية شعبنا)!!!!!!!!!!! فهما احتمالان ثالثهما مكروه: إما أن تكون هذه هي قضية شعبنا الضائعة المفقودة أو أن القضية ذاتها و التي نعرفها جميعاً ولكن هذه إحدى الوسائل الجديدة لنصرتها في عصر الحداثة !!!

سأحتفظ بالأمل والابتسامة لأن أغلب من أعرفهم شاركوني هذا الرأي.


أسأل الله العظيم رب العرش العظيم أن يعافينا ..!!! آمين …
-بالمناسبة الصورة من تصوير صديقتي دنيا 🙂

Tags:

16 Responses to “جامعة وديسكو في مبنى واحد!!”

  1. عمر Says:

    تحياتي لك أختي فرح على هذه الغيرة وهذا الاحتراق من أجل قداسة التعليم والعلم !
    لا شك أن الجامعات لها قدسية معينة .. ولها احترام خاص كونها منارة تعليم وتربية ! وليست منارة فساد وإفساد !
    وما يحدث هو إفقاد لأهمية التعليم وتخريج طلبة قادرون على قيادة المجتمع .. فيتخرج الطالب وكأنه طفل في حمل الهموم وفي المستوى الاجتماعي وتأثيره في بيئته ! وهذا ما يراد لهذا الجيل الشاب ..
    رغم كل فساد الدول الغربية لكنهم يحترمون العلم والتعليم ومن المستحيل أن يحدث مثل هذا في الحرم الجامعي .. لكنهم يفعلون ما يريدون خارج الحرم الجامعي .. أما داخله فمن سابع المستحيلات أن يتم مساس هذا الإطار المقدس لديهم !
    أما نحن .. فحسبنا الله ونعم الوكيل ..
    تحياتي لك فرح .. ويكفي مثل هذا الاحتراق لكي نثق بأن هناك بصيص أمل للإصلاح بإذن الله ..

  2. محمد max13 Says:

    فرح ….
    ربما في شعورك تجاه ما يحدث تعبير صادق عن رغبة في التغيير لكن فرح …..الفرح لازم أيضا وحفلات التعارف لطالما كانت تقليدا سنويا في كل فروع جامعات القطر وهي وإن كانت لم تستهوني يوما إلا أن لها جمهورها الذي له حياته ما المشكلة في أن تتحول جامعتنا لديسكو لمرة في العام وأين التعارض بين حفلة فيها ترويج إعلامي معين ربما اتفق معك بأنه قد يبدو سخيفا وبين أن صاحب الإعلان يدعم القضية وهي هنا وبلا أي مجاملة قضيتنا كلنا ” القضية الفلسطينية ”
    اتفهم ما توصلت إليه
    ولكن لي رأي آخر أرجو أن تتقبليه

  3. أنس Says:

    دخلت الجامعة وطلعت من الجامعة …
    وماعملولنا حفلة تعارف بالكلية …

    يمكن لأننا مهندسين … ما بنفهم بهل القصص 😀

  4. عقبة Says:

    انتبهي أخت فرح.. لا يجي من يتهمك بالتطرف الديني والمساهمة في نشر (حمى التدين) ههههه
    طالما أنت وإخوانك ورفقاك موجودون ويحملون هذا الرفض وهذه الروح المتمردة على الفساد والإنحلال وتلك التفاهات التي فرغت قضايانا من مضمونها وجندت الشباب لغير الوطن ولغير الضمير.. طالما أنتم موجودون فالأمل كبير..

  5. عونيــ Says:

    لدي فلسفة في هذا الخصوص، تقول بأن من أراد أن يحتفل، فليحتفل في بيته دون أن يفرض جوّه المقيت على الآخرين :shutup:

    و ما جامعاتنا عن جامعاتكم ببعيدة. شكرا فرح.

  6. m-alhamwi Says:

    شكرا كتييير فرح على جهودك وجهود زميلتنا دنيا بس يلي شاف مو متل ما عم يقرأ ولاسيما اني واحد من يلي شاف شو صار بمدرج اللغة العربية بس للاسف ما حدا مهتم
    شكرا مرة تانية والله يعطيكي العافية

  7. lamis Says:

    حاسة بإحساسك يافرح لأنو كنا (f) مع بعض بهاليوم وأنا ونور وغيث (f) اطلعنا من الباب وانفلجنا من المنظر شي بيحرق القلب بدل (f) مايعملوا شي مفيد (f) يحسنوا المناهج البالية يلي عم ندرسا يعملوا نشاطات جماعية إ (f) نسانية تحسسنا بإنو نحن طلاب جامعة عم (f) يعملوا حفلات تافهة بس لا تزعلي فرح الطيور على أشكالها تقع مارح عالحفلة ودخلا إلا اللي من شكلا أنا كتير دايقت والمشلكة إنو الموضوع آخد غطاء شرعي من الجامعة لك بعدين (f) (f) ما فهمت حفلة تعارف لمين وليش شو الغاية إنو نعرف بعض ولا إنو نقلد الجامعات الغربية وكالعادة ما أخدنا من الموضوع غير قشرتو بأوربا والله بيطلعلون يعملوا حفلات تعارف وبيلبقلون أما نحن فعيب (f) كترت الوردات مشان الست دنيا م طالبني بعلامات ترقيم وشكررررررررررررررررررررررررررررررراً قد الدنيا على المدونة يافرح

  8. مستر بلوند Says:

    يعني أنتي ضمنانة إنو ما حدا من الهيئة الإدارية أو من الدكاترة ما رح يحضر الحفلة .. اي يمكن تلاقيهم قبل الطلاب حتى .. لأنو أساساً هيك حفلات ما بتم إلا بموافقة كاملة من إدارة الجامعة ..
    بعدين خليكي “أب تو ديت” كلن شوية شباب صايعين مع شوية بنات ضايعيين وخلصة القصة .. بوفتوا عالحفلة أفراد بطلعوا عائلة ..

    عنجد أحلى جملة قرأتها حتى الآن برواية الأرجوحة كانت : لا تكن متفوقاً قي عالم منحط لأنك ستكون بقعة عسل في عالم الذباب .. ستفنى ويبقى الذباب ..

    طبعاً ما بوافقوا بهذا الكلام بس توصيف كثير رائع .. فكري فيها لتشعري بقمة الأسى ..

  9. Aularon Says:

    الصراحة عم اتطلع بالصورة من فوق لتحت وعم قول لحالي أكيد هي مزحة، شي طالب عم يعمل مقلب، لأنو مو شكلها ولا محتواها شغلة رسمية (تبعاً لرسمياتنا).. يعني معقول لهون وصلنا..

    يعني حلو البسط بس بعرف جامعاتنا والعالم المسؤولة عن هالشي عنا، ما بوافقوا غير عالشغلات التافهة، بتذكر من كم سنة كان في شلة بدها تعمل تجمع وفكرتو كتير حلوة، راحوا بلشوا يقلبولهن الفكرة أنو سياسية وبدكن تعملوا تجمع ليش وشبو إتحاد شبيبة الثورة اشتغلوا عن طريقو….

    طبعاً لو نطولهن بشي فكرة تافهة متل هي كانوا وقعولهن على بياض.. المشكلة أنو انحكى كتير، ولازم نكون صرنا بمرحلة أنو العالم اللي موجهلها هالحكي تفهم.

  10. مهند Says:

    هالشي بجامعات برا بصير دائما بس انا براي جامعة دمشق مو متل اي جامعة يعني جامعة دمشق عمرها عقود وقد تكون عمرها حضارة بالنسبة لغيرنا

    كمان انا متلك فرح مو ضد التعارف ولاضد المطربين ولاضد الديسكويات بس احترموا هالمكان

    قلة ساحات وصالات وشوارع بالبلد ماعاد في غير الجامعات

    شكرا فرح

  11. FaRaH Says:

    عمر ..

    صدقت رغم كل سيئات الغرب إلا أنّ هذه ميزة لديهم .. المفترض أن تكون لدينا وأن نحافظ عليها بما أننا أمة إقرأ!!

    شكراً لوجودك …. 🙂

    ღ ღ

    محمد max13

    ربما تكون حفلات التعارف أمر طبيعي .. و تقليد متعارف عليه .. لكن تبقى الطريقة والوسيلة المستعملة أهم من أي شيء آخر .. التعارف ما هي طبيعته وما هو هدفه وما الفائدة التي سنجنيها منه ..
    الجامعة جامعة ولا يجب أن تتحول إلى ديسكو أو إلى شيء آخر بالمقابل الديسكو لا نستطيع أن نحوله لجامعة ولو لمدة نصف ساعة .. في النهاية يُعتبر هذا احترام للأماكن وقديستها وما خُصصت له ..
    سعيدة بمرورك محمد 🙂

    ღ ღ

    أنس ..
    هي أول مرة بتخليني اشتهي اني كون هندسة … :mrgreen:

    ღ ღ

    عقبة ..

    الأمل كبير .. لكن يحتاج إلأى تسليط الضوء عليه .. ليصبح واقع .. شكراً لحضورك 🙂

    ღ ღ

    عوني ..

    هيك المفروض .. ومثل هذه الاحتفالات لها أمكنها المخصصة …

    ღ ღ

    m-alhamwi

    ايه والله للأسف … بس أكتر شي مهم أنو لسه في ناس بتعرف انو هالشي مو صح … اهلا وسهلا محمد …

    ღ ღ

    لميس ..

    الحق معك .. القشور بس .. الاعتقادات الخاطئة انو منقدر نصير متل الغرب لساتها راكبتنا مع أنو الشرق تسمى شرق لانو ألو عاداتو وافكارو المختلفة عن الغرب وإلا كانوا هنن الاتنين شي واحد !!

    ღ ღ

    مستر بلوند

    انو وقت شفنا صرنا نقول ايه مو معقول والختم موجود وانا شفت مديرة القسم بعيني مارّة من ادامهم
    هالجملة ضليت عم اصفن فيها ساعة … بالفعل شي مؤلم ..

    ღ ღ

    Aularon

    أكيد كلامك صحيح .. هالشي كلو مدروس وعم يطبقوه علينا على الأصول !!
    شكراً لحضورك وأهلا وسهلا فيك بالمدونة 🙂

    ღ ღ

    مهند ..

    نحنا بس أخدين صيت أنو هالجامعة عريقة يعني تجي للحقيقة … عريقة بالمعنى الحرفي لهلكملة وليس بالمعنى التاريخي !! شكراً لوجودك مهند 🙂

  12. قبّاني Says:

    ااااخ بس

    انا كليه الآداب كلها ما حبيتها … إلي حديث عنها

    بس هاد يلي بدو ياه وزير التربية بعد اكتيييير من التغيرات

  13. الدمشقي Says:

    كلشي عنا بيصير !!!

    شفت مرة هيك اعلان بكلية التربية كان قريب من هاد

    أول مرة بمر على مدونتك بس مبينة حلوة

    إلى الأمام سر 😀

  14. FaRaH Says:

    قباني ..

    بتعرف الحديث عن الآداب شكلو ما رح ينتهي .. كل يوم شوفات اكتر من اللي قبلو

    و قال كنت أحلم اني بدي فوت علجامعة وصير طالبة هنيك … 😀

    _ _ _ _
    الدمشقي ..

    صح بصير ليه ما يصير ..

    بتمنى ما تكون آخر مرة .. اهلا وسهلا فيك 🙂 🙂

  15. Rabie Says:

    هههههه ما بعرف بس ضحكت ! 😀

    مشان النصر لقضية شعبنا … هي كليشة إجبارية بكل شغلات اتحاد الطلبة :keepsi:
    حتى لو بدك تحكي عن طبخة بدك تحطي النصر لقضية شعبنا …..

    بيناتنا فرح غالباً بتصير الحفلات لأهداف بعيدة مو لمجرد حفلة .

    غالباً الهم الأساسي الأرباح للهيئة الإدارية للكلية وأفرادها …..
    وبالجامعة ما بتكلفهم حجز الصالة وووو يعني زاد الربح

    صارت معي مشاكل كتير مع رفقاتي بسبب هالمواضيع
    ترشحت بالغلط وصرت بالهيئة الإدارية وهون كانت المصيبة

    الكل بدو يربح ، رفضت … ومع مجموعة مواقف صارت مشاكل كتير
    طالبت بحصتي من الأرباح لرجعها للطلاب … ووو سيرة مغبرة !

    عميد الكلية كيف بيقبل تصير هيك حركات بمدرج من المدرجات … ممكن الحفل برعايتو !

  16. Blatuecebilla Says:

    farahm.net – now in my rss reader)))

Leave a Reply