تحت،جنب،فوق….الدراسة

http://i210.photobucket.com/albums/bb41/albaheral3theb/FigureA.gif

قال رح يحطو الموضوع على طاولة الدراسة، طاولة الدراسة كتير مكركبة، عليها غراض كتير ومواضيع كتير  ملحوشة، فوق بعضا ،جنب بعضا، الموضوع لازمو دراسة من كل الجوانب، بس جوانب هاد الموضوع لزقانة بجوانب هداك الموضوع وما عاد مبين من أي جانب بدك تتطلع، الموضوع لهلاء ما طار رغم انو لما فتحوا الشباك طاروا مواضيع غيرو كتير، في على الطاولة أقلام كتير ،شي رصاص، وشي حبر وفي محايات كمان، الاقلام الحبر ما حدا عم يستعملها والاقلام الرصاص كمان بس المحايات شغالة ليل نهار، فينا نرجع لموضوعنا اللي هو ما زال على الطاولة بس في احتمال كبير انو يصير تحتا، النقاش تحت الطاولة ما رح يكون مفيد لانو العين مغرفة الكلام على قولة ستي ولازم نحكي من فوق الطاولة، بس لما حكينا من فوق الطاولة المرة الماضية علقت. و ما عاد في طاولة من أساسو، ولا عاد في مواضيع للدراسة، لانو راحت شي شق، وشي تنتيف، حتى الاقلام والمحايات طاروا وما عدنا عرفنا وين نحنا، مشان هيك هالمرة من الأفضل ما نقرب من الطاولة أبداً … ونخلي الموضوع على طاولة الدراسة …

الوسوم:

10 من التعليقات لـ “تحت،جنب،فوق….الدراسة”

  1. عونيــNo Gravatar قال:

    عن أي موضوع عم تحكي؟ :what:

    و لا كل المواضيع هيك؟

    كل شي حلو فوق الطاولة .. الحكي من تحت الطاولة ما منيح كتير، خاصة إذا مصاحب معه لكش بالإيدين و الإجرين.

    بتوقع تقوليلنا شي قريبا …

  2. o T h M a NNo Gravatar قال:

    أهم شيء الاخلاق..

  3. lamisNo Gravatar قال:

    لك شو قصتك فرح شكلا المواضيع يلي محطوطة للدراسة كتير زاعجتك بس بتوقع إنو يلي عم يدرسوا هالأمور هني يلي زاعجينك أكتر شي روقيييييييييي عل الأغلب أنا فهمت شو بدك ياريت طولتي السطور شوي كنت انبسطت بجملك و أنت مورايقة :34: بس حبيت على فكرة كتير

  4. محمدNo Gravatar قال:

    أنا أبداً ما بوافق هل رأي و بنصح الوقوف على الطاوله بكن هيك ستفدنا أكتر http://www.albaheral3theb.net/wp-includes/images/smilies/a31.gif

  5. خلص ما رح ادخل لكن .. أنتي شوفي لي شو الموضوع ووين بيوصلوا بعد تقليب الطاولة .. وخبرينا ..
    عم استناكي .. يلا روحي شايفلك ..

  6. أختى الفاضلة : فـــــــــــرح
    فوق الطاولة .. تحت الطاولة
    لايوجد دراسة إنما تخدير للناس
    وغش وخداع….

  7. أنسNo Gravatar قال:

    أهم شي الأخلاق …

    ومشان موضوع الكاتويات … مافي مشكلة , مسامحة دنيا وآخرى …

    (محششة اليوم كأنو؟ :mrgreen: )

    هلأ بصراحة ,
    الفكرة وبعيداً عن كل شيء …
    عميقة وبدها دراسة …

    يسعد مساكي

  8. علوشNo Gravatar قال:

    أنا تخرجت وضبيت طاولة الدراسة من زمان :mrgreen:

  9. محمد max13No Gravatar قال:

    مادام الموضوع على طاولة الدراسة …. ” موضوع “ف هو موضوعيا متوضع نحو التلاشي…. عموما أي موضوع بخصوص وضعه على طاولة الدراسة يتموضع تلقائيا في سلة المهملات
    علما أنها ” أي سلة المهملات ” كانت قد أعلنت سابقا عن التخمة بمواضيع للدراسة سابقة قد أهملت تلقائيا فيها
    فلسفة … وهل من يفهم الموضوع ؟!

  10. FaRaHNo Gravatar قال:

    عوني ..

    اعتبرني عم هلّوس هالمرة :donk:

    ღ ღ

    عثمان
    صح مهمة

    ღ ღ

    لميس ..
    هدي يا بنتي شوي شوي على شعراتك .. يعني ازا بدك ياني مو رايقة ما رح تفرحي فيها كتير لانها صدف :p :p :p

    ღ ღ

    محمد ..

    هو في أرنة فوق الطالة لتحتى نوقف ؟؟!؟؟ :donk:

    ღ ღ

    مستر بلوند ..

    ما رح خاطر خليني برّة (oobss)

    ღ ღ

    محمد الجرايحي ..

    صدقت

    ღ ღ

    أنس …

    هيك هيك تمام .. بدها دراسة :mrgreen:

    ღ ღ

    علوش ..

    يعني ما عاد في مواضيع عندك كمان :bad:

    ღ ღ

    محمد max13

    جبتها تماماً .. : )

إكتب تعليقك