رجعت الشتوية 1

http://i210.photobucket.com/albums/bb41/albaheral3theb/eddf53b3.jpg

دائماً هي هكذا تأتي فجأة، في اللاوقت، أعرف بأنها “الشتوية” قد عادت، أعرف أن السماء ستبكي مرحبةً برجوعها بعد غصةٍ حمراء طويلة، وتخيلوا بأننا سنشم رائحة بكاءها، نستنشق مطر.

يختبئ الأطفال داخل المعاطف، أذكر مشاجرتي مع أمي لأني لا أريده فهو لا يليق بي، ولا أريد أن يحميني، “فالشتوية” صديقتي، وكل مافيها صديقي، المطر، البرد، وحتى الرياح

نكهة “الشتوية” تأخذني لعالم مختلف، فكل شيئٍ حولي يرقص، أحجار الأبنية، الشوارع، الحارات، السماء، الأرض،العشب والأشجار تنفض أوراقها وتنتعش، و قلوب الناس ترقص.

تعود “الشتوية” وتغني فيروز “اديش كان في ناس عل المفرق تنطر ناس وتشتي الدني ، ويحملوا شمسية وانا بايام الصحو ما حدا نطرني ” لا أعرف لماذا يحملون”شمسية” الانتظار تحت المطر أكثر إخلاصاً

وكذلك تغني “رجعت الشتوية رجعت الشتوية ضل افتكر فيي ضل افتكر فيي رجعت الشتوية يا حبيبي الهوى غلاب عجل و تعى السنة ورا البا ب شتوية و ضجر و ليل و انا عم بنطر على الباب ” يبدو أن فيروز بعد أن كانت تحب من لم ينتظرها تحت “الشمسية”، أصبحت تغار عليه من الشتوية، ولذلك تقول بأن لياليها كلها ضجر، لكن كلامها هنا لا يغيّر الحقيقة الموجود في قلبي دائماً، والصورة الحنونة للعائلة التي تجتمع حول المدفأة كل ليلة شتاء، ليتابعوا مسلسل ما، أولتدرّس الأم أطفالها من أجل الامتحان، أو حتى تلك الصورة التي تجلس فيها الجدّة لتروي قصة قبل النوم.

تبقى لفظة “شتوية”أقرب إلى قلبي من لفظة”شتاء”ربما لأنها لفظة مؤنثة وربما لأن كلمة شتاء تليق بالتدوينة “رجعت الشتوية 2″

كل المطر والخير

الوسوم:

20 من التعليقات لـ “رجعت الشتوية 1”

  1. قبّانيNo Gravatar قال:

    رجعت و يا محلا رجعتها

    ينعشني الشتاء

  2. ومين أدك .. المهم تكوني اشتريتي شمسية
    والله مافي أحلى من الشتوية
    كل عام وانت بخير ..

  3. رجعت الشتوية .. لتغسل هالقلوب .. وتداوي هالجروح .. وتخلي الناس يحنوا على بعض ويغطوا حالهم بإيدين بعضهم البعض ..

    بشارك بمحبتي للشتوية أكثر من الصيف .. بحس بالشتاء الناس بتحن على بعضا كثير .. بالصيف ما حدا بكون طايق حدا ..

  4. عونيــNo Gravatar قال:

    واضح تأثير فيروز عليكِ :]

    إي رجعت الشتوية و أنا أكتر واحد مبسوط لأنها رجعت. الصقعة و المي و الهوا و الرعد و البرق … يعني جو رومانسي بالنسبة إلي.

    الشتوية -متل ما قال أخونا المستر بلوند- بغسل كل شي و بترجّع الحياة للأموات، و منهم أنا.

  5. salamNo Gravatar قال:

    ” لا أعرف لماذا يحملون”شمسية” الانتظار تحت المطر أكثر إخلاصاً

    انا هيك دائما بقول، و أستغرب عندما أرى مجموعة من الناس مختبئين تحت شيء ما ينتظرون توقف المطر لقطع الطريق ! :donk:
    تجسيدا للفرح بقدوم المطر يجب ألا نهرب منه أو نختبئ منه، و ما أجمل المشي تحت المطر و المطر الشديد بالتحديد.

    مع أطيب التمنيات بشتوية كلها أمطار :plzgod:

  6. AlaaNo Gravatar قال:

    أنا بالشتي بشتاق للصيف والصيف بشتاق للشتي
    وهاد أحلى شي عنا ببلادنا

    وعلى قولة ستي الصيف ضيف و الدفا عفا

  7. fatoshaNo Gravatar قال:

    وهي رجعت الشتوية 0 http://fatoshaa.wordpress.com/2007/11/20/rain/

    أي شو هاد ولك فروح .. استمتعت كتر بالقراية

    للشتي نكهة خاصة .. بتصدقي إني بحب شعور إني أبرد

    عنجد بنبسط فيه كتير!!!

    وغير هيك ماما بتقعد تترجاني قبل ما أطلع إني أفتح الشمسية .. بس للأسف بقدر طيعها بكل شي

    بس بهالشغلة ماعم بقدر!!! :ooh:

  8. lamisNo Gravatar قال:

    من العنوان عرفت إني أمام سيل من التدوينات الدافية بدفا قلوبنا بتصور إنو كتاباتك بالشتا رح يكون إلا نكهة خاصة على فكرة فرح ما كنت أعرف إني بحب الشتا هالقد بس فعلاً أن بحبو كتير وبشتقلوا بس غرامي الأول والأخير هو المطر حابة عايد عليكي بهالمناسبة وقلك كل شتوية و أنت بخير بس في شغلة بتزعلني بالشتا هي قلة الورد وخاصة الجوري يلي مابناسبوا البرد كتير

  9. vaguerazNo Gravatar قال:

    ..
    لقد استمتعت جداً بالقراءة … الشتاء جميل و خاصة صوت المطر الهادئ و رائحته المنعشة

    كل شتاء و أنت بخير

  10. مهندNo Gravatar قال:

    حلو كتير الشتاء………بس الكلمات احلى

    دمتي بخير فروح

  11. جهاد الأنصاريNo Gravatar قال:

    مدونتك روعه ياااختي

    كل شي حبيته

    طب سؤال صغنون

    حابه اسوي مدونه ع نفس النظام والله مو زابط معي ابداً

    يصير اعرف منك :$

    وردة لروحك

  12. إنسانNo Gravatar قال:

    فرحي بالشتاء , لا يعادله شيء …

    وإن كنت أفضل القليل من دفء العلاقة ما بين الشمس والأرض …
    ولكن الرحمة التي ترتطم مع الأرض مع كل قطرة , تنشر ربيعاً قادماً بروّية …

    مطر …
    برد …
    دفء ذاتي …
    حركة لا منتهية ليدين تحاولان توليد القليل من الدفء عبر الاحتكاك المتواصل …


    أهلاً شتائي … أهلاً بك من جديد …
    شكراً فرح عالتدوينة الجميلة …

    أنس

  13. […] شتاء جديد يطلُّ مع فرح يدوم بـرجعت الشتوية … […]

  14. FaRaHNo Gravatar قال:

    قباني …
    صحيح بعكس الصيف .. المقابل لكلمة خمول.
    اهلا وسهلا فيك

    ღ ღ

    احمد الأدلبي ..

    وانت بألف خير يا رب

    ღ ღ

    مستر بلوند..

    اكيد كلامك صحيح … مافي احلى من الناس لما بيدفوا بعض وبيديروا بالن على بعض ..

    ღ ღ

    عوني ..

    ما بتوقع حدا يسمع فيروز إلا ما تأثر فيه ..
    بتمنالك شتا بجو رومنسي مميز ..

    ღ ღ

    سلام ..
    احلى شي لما بتكون انت ماشي بالطريق والناس كلها مخباية صحيح كلمة مجنونة بتسمعها اكتر من مرة .. بس بالفعل متعة ما بعدها متعة ..
    :plzgod: اميين يا رب

    ღ ღ

    علاء ..
    حلو هالمثل … بس ما تشتاق كتير للصيف لانو عادة الشتتا بيطول بالبلد :p

    ღ ღ

    فتووووشة …

    حلوة كتيييير التدووينة …
    والله وانا ما عم اقدر طيعها وكل مرة بتقلي ما بدي ياك تضعفي طلعي عالمطر بيكفي بلا ما تمشي تحتو :34:

    ღ ღ

    لموووس ..

    وانت بألف خير … هو الجوري واللي بحبوا الجوري ما بيلئوا برد :p :p

    ღ ღ

    vagueraz

    سُعدت جداً بوجودك … وانت بخير ..

    ღ ღ

    مهند..

    اهلا وسهلا .. وانت بخير يا رب … وجودك الحلو ..

    ღ ღ

    جهاد الانصاري …

    اهلا وسهلا فيك .. هي شوية روابط بتفيدك بانشاء مدونة …
    http://www.ar-wp.com/
    http://arabic.wordpress.net/
    http://wordpress.com/
    بانتظار مدونتك وتدويناتك شكراً لوجودك

    ღ ღ

    انسان …
    لم تنشأ علاقة الدفء تلك من غير برد يدفعها للقيام
    وتلك القطرات هي الأفضل للتعبير عنها بعد أن تمضي ..

    شكراً انس .. سعيدة بوجودك …

    ღ ღ

  15. e7sasyNo Gravatar قال:

    فعلاً الانتظار بـ (الشتويه) .. وتحت المطــر ..

    اعمــــق .. :heart:

  16. مدينة الح ـبNo Gravatar قال:

    هانحن نودع الصيف ونستقبل الشتاآآء
    نستقبل الشتاآآآْء وعيوننا على السماء نترقب سقوط حبات اللؤلؤ من السماآآء
    فما أجمل الشتاء عندما تكون في احضان الحبيب وتبحث عن الدفء :$

  17. amir sabbaghNo Gravatar قال:

    احلى شي بالشتويه انه وقت نكون برا البيت ونحن بردانين ونرجع لحتى نتدفى
    ومانصدق ايمتى يجي وقت النوم لحتى نكون بالفرشة الدافية
    وبتمنى انه يكون عندي غرفة زجاجية ويكون عم ينزل المطر وانا قاعد جواتها وتكون دافية وحبات الخير عم تنزل وصوتها الرائع .. شعور حلو جربت شي شبيه لاله
    طبعا نحن الشتاء بمثل لكل شخص منا ذكريات حلوة لانه ربنا عاطينا نعمة انه نعيش الشتاء ببيت دافي لكن للاسف البعض بعيش الشتاء بشكل اصعب بدعي ربنا يديم النعم علينا جميعا ويعين الناس الفقيرة والمحتاجة للدفا بالشتوية

  18. والله شي راااائع
    مع اني ما كتيير بحب البرد الكتيييير بس خليتيني حبو من ورا التدويينة
    وما احلى المطر يلي صرلنا زمــان عم ننتظره ليغسل كلشي أمــامة
    ابتداء من الشوارع انتهاء للقلووب
    ولله يعطيكي الف عافية

  19. بشرNo Gravatar قال:

    لقد أعدتيني بلحظة لأيام افتقدناها حتى في “الشتاوي”
    من زمن وانا اعشق الشتاء ولكن هذه الشتوية خاصة قلق منها كثيرا لأني على حبي لها ستعيدني لأيام مضت في الشتوية السابقة.. كانت من أجمل وأسوأ أيام حياتي..
    اناشالله تمرأ على خير وتكون مطرخير وتلج بس شو مشان ما كانت تجي بقا متل العالم!!!
    شكرا فرح على كلماتك الرائعة التي أعادت لي – رغم دفء الجو- القليل من رعشة الشتاء..

إكتب تعليقك