لماذا الأبراج ؟؟

البنت: ماما ما تنزلي .. رح يطلع بعد شوي برجي

الأم: بس ازا ما نزلنا هلاء رح نمشي كتير

البنت: ايه مو مشكلة بنمشي خلينا اعدين بعد هاد بيطلع البرج وبشوف ازا بيتوافق مع هاد اللي اجا يخطبني ..

السابق كان حوار بين بنت وأمها أو العكس، لا يهم ، بالصوت العالي جداً  في أحد الباصات التي تحملنا من مكان وترمينا في آخر، ونسمع من خلالها برامج سخيفة، وأغاني تافه، والكثير من توقعات الأبراج والحظ ..

لا أعرف ما الذي يجعل أحدهم يؤمن بشيء ويعتقد به ويبني عليه كثيراً من الأمور وهو لا يعرف عن دليل صدقه أي شيء، رغم أن أحدهم هذا يكون في مقتبل العمر، وأبواب الحياة ما زالت مفتوحةً أمامه، ومازال في استطاعته رسم خطته التي يريد وكيفما يريد، والمضي قدماً فيها، لتصبح حياته على النمط الذي يختاره هو لا برجه.

لربما وبعد تفكير طويل، هو الحاجة لأن تصبح نبتة الأمل لديه شجرة كبيرةً جداً، وتتفتح أوراقها وتمتد أغصانها، حتى ولو كانت هذه الشجرة  وهمية، وأغصانها غير قابلة لحمل الثمار، فهو لضيق في نَفسه وقلةٍ من صبره لا يستطيع الاستمرار بسقيها بالعمل والجد ِ، فيكتفي برؤيتها في توقعات أبراجه ..يومياً على أوراق جريدة ٍما، وسماعها من الموجات المترردة الكثيرة

أشد ما استغربه هو أن تعتمد إحداهن على الأبراج في اختيار رجل المستقبل، هذا ما لا أستطيع فهمه، المعطيات لديها موجودة، وفترة الاختبار متاحة للكثيرين نسبياً، والصفات تظهر حتى وإن حفي معظمها وتستطيع معرفتها بالملاحظة والتجربة والسؤال أيضاً، فهذا الرجل لا مجهول ولا مستقبل وإنما هو كائن حي لا برجي فضائي  غريب ..!!لا أعرف مدى الصدمة التي ستستقبلها عندما يتصرف بعكس صفات برجه، هل من الممكن أن تفهمه لأنها تعرف ما هو برجه ؟ :ummm:

يخبرونك بالأبراج ما تعرفه أنت نفسك عن نفسك ولكن بطريقة أو بأخرى يجعلونه أجمل .. ينسون السيئات و “ينفخونك”بالحسنات  حتى تقول معقووووول “انا فيني كل هالصفااااات  الظريفة وانا آخر من يعلم !! “…  جميع صفات الأبراج متشابه .. سبحان الله .. وجميع البشر متشابهون كذلك ولكن على نسب محتلفة .. وجميعنا نستطيع اكتساب صفات جديدة وجيدة وتحسين صفات قديمة أو إلغاءها …

في توقعات 2008 هذه السنة أخبرتني إحدى صديقاتي بأنها ستكون سنة مرض وتعب عليّ .. لم أقتنع فإن مرضت فكثيرون من برج الثعبان الصيني سيمرضون أيضاً ولا صلة لذلك بالتوقعات .. ولكن لربما يعتمدون في الأبراج على قانون الجذب .. فعندما يسمع أحدهم برجه و يخبرونه بأن يومه سيكون مليئ بالصعوبات والفشل وبأنه سيمرض ويتعب و”يهلك “..يبدأ بالتفكير بأن الفشل سيأتي وسيلاحقه وسيتبعه حتى يجره للهاوية ويفشل يومها  …وبأن كل الجراثيم ستجتمع عليه حتى لو كان المريض العاطس يبعد عنه عشرين متر أو أكثر !! كل ذلك يعود على برجه تعيس الحظ !!! ليس لأنه هو فكّر بالفشل فكان نصيبه … وسحبه إليه ..وفكر بالمرض فالتقطته

قلة الإيمان والتوكل والتخطيط تجعل بني البشر في ظني يعتمدون على التوقعات وعلى الحظ .. فهم يريدون خطوط يمشون عليهم وليس لديهم الاستعداد لرسم الخطوط هذه .. أظن أحياناً بأن الخطوط التي يرسمونها لنا من خلال الأبراج وخصوصاً تلك التي تتعلق بالعواطف ليست بصالحنا وسواء تلك الأخرى التي تتعلق في العمل والدراسة والحياة العامة تأتي ضدنا وعلينا ورغم ذلك نتمسك بها !!!؟؟؟؟

من جهة أخرى أرى  أن الأبراج هي نصائح يوميه .. لماذا لا يقدمونها بهذه الطريقة، طيب أنا كل يوم محتاجة لنصيحة
“تصرف وتعامل بالمنطق مع من حولك ” وليس فقط برج القطة بحاجة لهذه النصيحة في هذا اليوم !!!!


ما رأيكم ؟؟ لماذا يستمع الناس للأبراج ؟؟ ولماذا يعتمدون عليها في تفسير أمور حياتهم ؟؟ هل بالفعل “الأبراج” هو علم وهذه التدوينة تتعدّى عليه ؟؟؟

كل الخير



14 من التعليقات لـ “لماذا الأبراج ؟؟”

  1. Mohammad OnlineNo Gravatar قال:

    السلام عليكم..

    بتفق معك تماما و بصراحة بستخف كل بنت بتؤمن بالأبراج، و اذا بتسألني بنت شو برجك أو بتبرر تصرفاتي لانو برجي كذا فهي قمة السخافة.

    أنا بنصحهم يحولوا للأبراج الصينية لانو فيها مسميات بتلبقلهم :mrgreen:

    تحياتي

  2. كلامك صحيح
    انا لا أؤمن بالأبراج والحظ والنحس ….الخ..

    لحظة الجريدة وصلت راح شوف برجي :haha:

    تحياتي ومودتي

  3. lamisNo Gravatar قال:

    أنا من زمان فكرت بها الموضوع وبتصور إنو الناس بتتجه لها الموضوع الأبراج والمستقبل لأنو موضوع مبهم مافي إنسان على وجه الأرض ما بيحب إنو يعرف شو رح يصير معو بكرة أو بعد سنة أو أكثر مثلاً وين رح يكون وأنا منهم وبالنسبة لأنو هو علم ولا لأ فكل الفلكيين بيقولوا إنو علم بس بتصور إنو العلم هو الكواكب وحركتهن بس تأثيرهن على حياتنا فما بعرف مدى مصداقيتو بس يلي بعرفو إنو كذب المنجمون ولو صدقوا بسمع برجي من هون بنسى من هون ما كتير بحط ببالي بس مابقلك إني ما بنبسط بصفات برجي الشجاعة والتفاؤل وسلسلة طويلة من الصفات الحميدة ولما بتشوفي إنو مواصفات كل برج أروع من رائعة بسأل حالي من وين عم يطلعوا الناس يلي كتير صعب تتعاملي وتتفاهمي معون (ماتبخلي بمواضيعك كتير عم اشتاق لكتاباتك )

  4. محمد max13No Gravatar قال:

    التعلق بالوهم وحده هو الكفيل بجعلنا تدريجيا نؤمن بالأبراج مع أني لا أجد مشكلة في انشغال الناس بالأبراج ربما أفضل من سماع الأخبار أو ما شابه إلا أني لم أؤمن يوا بها ورغم أن الصدف قد تحدث بأن يتحقق شيء مكتوب فيالبرج يوما ما لكن هذا ليس شرطا عن صحة الأبراج يعني مو معقول كل العقارب اليوم بدن يمرضوا ولا نصن حتى ؟

  5. عامرNo Gravatar قال:

    مممم….مرحبا
    موضوع حلو وتطرق جيد بالافكار….فرح في نقطة مهمة انو فعلا علم الفلك والابراج علم موجود وهوو علم مهم وضخم وهوو علم قديم مانو جديد واكتشفه العرب القدماء …بس الجديد بهالزمن انو اي شخص صار بدو يطلع ويحكي من هالمنطلق ….وكتير من هالاشخاص المتملقين يللي منشوفهم عالT.V عم يعتمدو ع اكتر من وسيلة للوصول الى ذهن المشاهد او المستمع ومن هي الوسائل: يأس المستمع او المشاهد وغرقه في متاعب الحياة المتعددة وتعلقه ببصيص امل ولو كان دجلا….وكمان انو بهالايام كتير مننا فقد الكلمة الحلوة…يعني قليل لتسمعي كلمات تشجيعية من يللي حوليكي…كللو محبط وكللو عم يشكي وهالشي كمان ضاف ع نفسية البشر…وخلاها تربة خصبة لتقبل مختلف الاعشاب المفيدة والضارة…وتتقبل بدورها المياه النقية العذبة كما تتقبل المياه الملوثة دون تمييز…..لهيك وقت يلاقي الواحد شخص يسَمْعُوا كم كلمة بتعطيه الامل فبياخد فيهم وممكن يعتقد فيهم كمان…..طبعا هالشي مو منطقي وغير عقلاني بس هاد يللي عم يصير…..بالاضافة لهيك… ما تنسي قول الله تعالى : وكان الانسان عجولا…وهي الآيه كمان تدلل على انو الانسان متعجل في معظم امره ولديه الفضول لمعرفة ما هوو قادم (بالاضافة لتفسيرها المباشر.. انو الانسان عجول في حكمه في مسائله واموره)
    وماتنسي فرح ….انو كمان تناول هيك اشياء عم يكون ضمن متناول الجميع ماديا….يعني بالنسبة للجميع سعر مجلة او جريدة او مسج لقناة معينة لا يساوي شيء امام اي شي آخر من الاشياء يللي ممكن يبرر الاشخاص اقتناءهم الها بأنها من باب التسلية (لانو معظم يللي بتواجهيهم بموضوع الفلك بيقولو انو تسلاية…بس ممكن ضمنيا يكونو فعلا مقتنعين بالموضوع…ولكن لا يملكون حجة الاقناع)

    عفوا عالاطالة …وع فكرة الموضوع لسا بيحمل تشعبات اكتر بس مو حابب استفيض..لانو بيهمني الخلاصة….وهي …علم الفلك علم قائم بحد ذاتو….ولكن ليس كما يتداوله دجالو القنوات التجارية…..وبس!!

    شكرا فرح للموضوع…

  6. fatoshaNo Gravatar قال:

    في حديث شريف بما معناه بيقول أنو من أتى عراف فصدقه، كفر بما نزل على أمة محمد، وأنو يلي ما بيصدقه ما بتنقبل له صلاة أربعين يوم.. فليش الواحد ينام بين القبور ويشوف منامات بشعة

    هلأ بعترف أنا، أجت فترة من زمان كنت أسمع وأنا عم ضبضب الغرف الصبح، بس لاحظت أنو هنن لما يقولوا شي أنتي رح تجي تطبقيه بلا انتباه مو لأنو هو صح رح يصير تلقائياً، هي هي اللعبة يلي بيلعبوها بس هلأ عنجد بيتزلزل بدني، ومجرد ما كون عم قلب بالراديو وبسمع ابراج بتلاقيني قلبت شفتي والمحطة! :mrgreen:

  7. laressaNo Gravatar قال:

    مرحبا فرح….
    الموضوع كتير مهم وجميل و الفلك علم قائم في حد ذاته من زمان….
    بس برأيي يلي بيدفع الناس حتى يسموا أبراجون فهو قلة الكلام الحلو والمشجع يعني أوافق عامر الرأي
    أما إنو الواحد يمشي متل ما بيحكو ببرجو كل يوم برأيي هاد الشي مو صحيح وبتبقى الأبراج مجرد توقعات مو أكتر …

  8. عونيــNo Gravatar قال:

    لفتة جميلة.

    أود بداية أن أقول بأن أكثر المتطلعين للأبراج هم من “الجنس الناعم” .. و لعله الحرص على الحصول على الزوج المثالي هو الذي يجعلنّ يصدقن مثل هذه الخزعبلات.

    لا أعتقد أن المشكلة في النساء، بل في طريقة التربية. ثم يأتي دور الإعلام الرخيص الذي يعوّل كثيرا على برامج الأبراج لسد تكاليف البث و الصيانة. و بالطبع حرم وزير الإعلام لا يمكن أن ترتشف قهوتها صباحا دون أن تستمع لما يقوله حظها اليوم.

    و في وصف هذه الحالة يقول المثل “بكذب و بصدق الكذبة!”.
    كل الخير

  9. مهندNo Gravatar قال:

    الأبراج عبارة عن علاك مصدي وحكي مالو طعمة وانما هي وجدت لكي تملئ صفحات المجلات والجرائد

    ولا يعلم بالغيب الا الله

    شكرا الك فرررررررررح

  10. يقول البعض أن الأبراج علم ، وعلم قديم
    هذا يكون مقبول عندما يقوله غير المسلمين
    ولكن عندما يؤمن به المسلمون فهذأمر غريب
    فقد كان النبى صلى الله عليه وسلم وهو خير
    خلق الله ، يقول : لو كنت أعلم الغيب لآستكثرت من الخير لنفسى
    هذا كلام واضح وصريح أنه لايعلم الغيب ، فكيف نؤمن بغير ماأخبرنا به نبينا
    الذى لاينطق عن الهوى .
    ثم ماهى علاقة الأبراج بالإنسان؟؟
    هل لوكان هذا الأمر حقيقياً ألم يكن أخبرنا به الله تعالى فى كتابه ، ونبيه فى سنته!!!

    أنا أعتقد أن من يؤمن بذلك من المسلمين هو مصاب بضعف بالوازع الدينى وضحالة فكرية

  11. له يا فرح .. ما حبيتها منك .. ما قرأت “الشقلبات التي أخبرتني بها كارمن” :p

    برأيي الأبراج تعتمد على مبدأ الجذب .. وعلى مبدأ الإحتمالات .. يعني تخيلي كل هالناس ينقسمون إلى 12 برج .. وبالتالي إذا قال برجك إنك تعابة وما بعرف شو .. فحتماً رح تلاقي ناس كثير برجهم نفس برجك وتعبانيين .. فهدول تبعات هالسلبات عندما يتكلمون لا يتجاوز كلامهم العموميات يلي كل الناس بتعرفها ..

    ذكرتيني مرة كنت عم اسمع كارمن قالت لي : اليوم يومك لازم تجري اتصالاتك وتتواصل وتحكي مع كل الناس .. ومدري شو .. طلعت من البيت وأنا مبسوط إنو إي والله لازم احكي مع ناس كثير صار لي زمان ما حكيت معهن .. فتحت الموبايل لإحكي بلاقي خالص شحنو .. اي يلعن طووووووووووت .. :angry:

  12. قبّانيNo Gravatar قال:

    برجي العقرب ممكن ان ترسل لي حظي اليوم

    :sleepy:

    الخوف من المستقبل و شو بدو يصير بخلي الناس تركض ورا اكتر من هيك

    و هاد لعدم ثقتها بنفسها و لضعف بالشخصية

    المطر اليوم الصبح و و مشوة بشارع بغداد قلبت لي كل نهاري ميت حظ و برج ما بيعملو هيك

  13. إنسانNo Gravatar قال:

    كما قلتي … قلة ايمان أولاً وتفاهة ثانياً واختلال مبادئ ثالثاً …

    أما كيف يعتمدون على الأبراج في اختيار زوج المستقبل …
    يعتمدون الآن , قل لي كم لديك أعطيك ابنتي …

    سيصبح في وقت لاحق , انتظر الاذاعة لأرى البرج وأعطيك ابنتي …

    ساخر ساخر ساخر … واقعنا … ساخر …

    مدونة جميلة …

  14. أسماءNo Gravatar قال:

    أنا في حياتي لم أومن بالابراج لماذا؟؟ لأن لا يعلم بالغيب إلا الله

إكتب تعليقك