للعيد نكهةٌ مختلفة

لا يوجد أروع من ابتسامة الأطفال ولا أجمل من فرحتهم ولا أحلى من أحاديثهم التي غالباً ما تكون نهفاوية درجة أولى ..

الفكرة كانت أشبه بحلم يصعب تحقيقه ،التخطيط أوراق كثيرة، وحسابات عشوائية أغلبها خاطئة، مع شعر منكوش و رشة ندم لأننا دخلنا أدبي، ونتيجة لهذا القرار لم نعد نعرف في الحساب شيئ :34: …!! المشارِكات في التنيظم والإعداد أربع فتيات، الحماس كان في القمة، كلام الإحباط لم يؤثر فيه إلا القليل، التوكل على الله مع الإصرار و الأمل كانا الغذاء للمشروع الصغير هذا وليد اللحظة.

ببساطة تبدو أبسط من الانبساط الذي كنا نُقابل به كنا نطرح الفكرة على من حولنا … (حابيين نعمل مشروع للعيد أنو نرسم البسمة على وجه طفل بكيس فيه شوية أكلات طيبة مع لعبة صغيرة ازا بتقدروا تساعدونا مادياً أو معنوياً بشي) طبعاً أغلب الإجابات كانت عبارة عن أسئلة تحقيقة من الدرجة الممتازة، تجعل الطرف صاحب السؤال الأول يتمنى لو أن يده قُطعت، أو رجله كُسرت قبل أن يحمل سماعة الهاتف ويتصل أو يذهب ويقوم بهذه الزيارة … (وين هدول الاطفال ؟ شو اعمارن ؟ مين انتوا ؟ ليه حابيين تعلموا هالشي ؟ايه شو هالحكي لشو هالمشروع مالو طعمة ايه ما عاد في طفل محتاج الكل مروء ومبسوط وآخر تكييف؟ يعني بدك تقنعيني انو بشوية أكلات طيبة ولعبة رح ينبسط الولد ؟ كفلوا يتيم أحسن من هالكيس! أو عطوهم المصاري للأب بيستفيد منهم أكتر ! الجمعيات كتيرة وقليلة )

طبعاً الموضوع ليس معارضة الأسئلة، فالأجوبة موجودة ومقنعة للصميم وكذلك الحق الطبيعي الذي لا نستطيع أن نسلبه من أي إنسان هو أن يسأل ويتسائل :l45l: ..لكن أن يكون الجواب بالنهاية (توكلوا على الله والله يوفقكم ان شاء الله !!) فهذا أغرب شيئ قد مرّ عليّ في آخر 19 سنة من عمري!

لملمنا هالمصريات واشترينا ألعاب وبسكويت، ووضعاهم في أكياس وربطناهم بشرايط حمر، وحملناهم ورحنا على دار اليتيمات، لأنه المكان الأكثر أمناً بالنسبة لنا كفتيات واستحقاقاً كأطفال .

في دار اليتيمات الذي ذهبنا إليه العيد يختلف، عن ما هو في بيتي على الأقل، فهم من الصباح يرقصون ويمرحون ويفرحون ويمثلون مسرحيات صغيرة جميلة ومضحكة في آن ،وفي النهاية يأخذون ما هو عبارة عن ورقة سموها (فيشة)لشراء ما يعجبهم من على سطح الدار الذي يوجد فيه عدّة بسطات ومنها كانت بسطتنا :welcome: .(صرنا خالة دنيا وفرح وصرلنا بسطة كمان :p )

في غضون ربع ساعة أو أقل كانت الأكياس قد وُزعت بفضل الله ، والحمد لله شاهدنا البسمة والضحكة والفرحة والحب تملأ وجوههن .

ما أريد قوله هنا أنه باستطاعتنا جميعاً أن نقوم بمشروع صغير لرسم البسمة والفرحة وحتى لو على نطاق صغير من هم جيران أو أقارب أو حارات فقيرة، الأمر ليس صعب وليس بالمكلف جداً، لكنه بحاجة إلى همة وقليل من الوقت، الأطفال الذين تتوقف فرحتهم في العيد على عطلة من المدرسة ورؤية التلفاز كثيرون جداً، والأطفال الأيتام  الذين لا يشاركهم العيد إلا من يشاركونهم أيامهم العادية أكثر بكثير، البسمة ترسم ولو حتى بسكره

شكراً من القلب لكل من شارك في هذا المشروع المعيّد :heart:

الوسوم:

23 من التعليقات لـ “للعيد نكهةٌ مختلفة”

  1. بارك الله فيك أختى الكريمة وأعزك
    وأحيى روحك الطيبة وفكرك النير

  2. برافو .. جد برافو ..و الله يبارك فيكم .. وحمستيني لأعمل هيك مشروع انشالله العيد الجاية .. بكوني عملت هيك مشروع بس مو للأطفال كان برمضان للمحتاجين..

    آآآخ لو خليتولي شي كيس !! :12:

  3. FaRaHNo Gravatar قال:

    رنوم ..

    الله يعافيك يا رب .. ان شاء الله بدينا ورح نكمل ويكملوا من بعدنا بشي أحسن وأفضل
    الجايات أكتر من الرايحات لا تاكلي هم انك ما كنت موجودة

    ღ ღ

    علوش ..

    كتير فرحني هالشي
    التصوير كانت مسؤولة عنو دنيا وبتوقع الأغلب فيديو فبتعرف انت النت هون بتشهي !! بحاول أرفعن
    اهلا وسهلا فيك

    ღ ღ

    رنوووش

    الله يعافك ويخليك يا رب ..انبسطت بوجودك

    ღ ღ

    محمد max13

    كتير حلو ومنيح هالشي الله يجزيك الخير ..
    لا تبطل وخليك متفائل وحتى لو البداية كانت على نطاق صغير

    ღ ღ

    فتوووووشة ..

    هلاء انا كلي مفاجآااات لسه هههههه بس مو منيحة هيك :bad:

    انبسطت كتير بوجودك

    ღ ღ

    احمد …

    امين الله يوفق الجميع

    ღ ღ

    yass

    اكيد في خير كتير لسى .. تحية أكبر

    ღ ღ

    عامر ..

    غجبيني اسم فريق النويا الحسنة رح أعملو كوبي رايت :mrgreen:

    والله يجزيك الخير والجنه … بتعرف بدون التشجيع كان ما صار شي

    ღ ღ

    موداع …

    صحيح .. وانت بخير

    ღ ღ

    عقبة ..

    صدقت لا يوجد مقل عمل الخير …

    ان شاء الله في المرات القادمة .. وانت بخير

    ღ ღ

    روااان

    الله يخليلي ياك ان شاء الله ياااااارب .. شكراً كتير ألك على كلشي والله يجزيك الخير :heart:

    ღ ღ

    laressa

    الله يعافيك .. بلفعل كلنا بحاجة لنحس انو لسه الدنيا بخير

    ღ ღ

    smilefirst

    ايه والله صحيح .. وانت بألف خير وينعاد عليك بالهنا والسرور والطاعة ..

    ღ ღ

    mohammad online

    وإياك ان شا الله … شكرا على تعلييقك وكلامك

    ღ ღ

    smilest

    ما بتعرفي اديه انبسطت لما شجعتينا عالفكرة
    العيد الجاية بدي خلي صرر مو بس صرة وحدة للملائكة أمثالك :a:

    ღ ღ

    الياسمين الدمشقي
    ما بعرف شو بئدر رد على تعليقك اللطيف
    الحقيقة أنو الناس المناح كتار واللي بقلبهم خير اكتر بكتير .. لكن هي الفرصة اللي الله الحمد لله يسرلنا ياها ..

    شكراً كتير على وجودك .. كل الخير

    ღ ღ

    مستر بلوند ..

    شكراً ألك … امين .. الله يعافيك ويخليك يا رب …

    ღ ღ

    عوني ..

    جميعنا مقصرون والجهد المطلوب بسيط امام امور كثيرة نفعلها في حياتنا .. فتح الله عليك أبواب الخير

    ღ ღ

    رها ..
    الله يسلمك .. سعيدة جداً لمرورك هنا ..

    ღ ღ

    لميس ..

    وانت سالمة للمرة المليون والواحد
    وانا بفتحر برفقتك وان شاء الله المرات الجاية بيكون في فرصة أكبر انو لكنا نشتغل سوا ..

    كوني بخير يا صديقتي :welcome: :heart:

    ღ ღ

    محمد الجرايحي
    وبارك فيك ان شاء الله .. تحية كذلك

    ღ ღ

    أحمد ادلبي ..

    ان شاء الله بتعمل هيك مشروع وعلى اكبر :mrgreen:

    امممممممممم خليلك شي كيس يلا بنفكر بالموضوع :l45l: