لولا هالـ 99 علّة
انا الموقعة ادناه فرح أقر واعترف بعيوبي التالية
سوبر عنيدة
ازا تضايقت أتضايق وازا تضايقتُ اضايق من حولي
بحب المجاكرة !! بس للناس اللي بمون عليهن … بس احياناً بطئوا مني “ما بعرف ليه ؟؟
شوي نئائة
ضويجة يعني بيقولوا انو البيت بيكون هادي كتير قبل ما بفوت عليه بعدين مدري شو بصير
ازا حدا فقد ثقتي مستحيل يسترجعا ! يعني بسامح وبرجع عادي بس من جوة جوة ما بنسى انو هالشخص جرحني او خذلني بيوم من الايام مشان هيك ما برجع بعطي ثقتي ! بحس هالشي عيب كبيرفيني لانو الناس أحياناً ما بتكون قاصدة بس هي مشكلتي بضل يعني كمان على كل حال انا ما بثق بحدا بسرعة
ما بحب الاستيقاظ المبكر ابداً ابداً أبداً لو نايمة الساعة 8 المسا يعني ازا محاضرة ما عليها القيمة ودكتور أو دكتورة بتاخد العقل أو بتاخد العقل بشكل تاني ومافي تسجيل حضورما بقوم منووب
صاير فيني عيب جديد انو لما بعصب من شي حدا او من الدراسة بروح بنام
وآخر شي مزاجية
وكل ما سبق كان عبارة عن واجب تدويني من
MonTexoو أحمد
أما لو تجوا عالحقيقة انو انا مافيني ولا علّة ولا عيب نهائي نهائي
…
أبريل 20th, 2008 at 10:26 م
ههههههههههه لازم تعترفي بعيوبك ما بيصيير
في البدايه كنتي شجاعه اشفيج سحبتي كلامج :p
حاليج ربي يا فروحه
أبريل 20th, 2008 at 10:21 م
العلة المية هي إنك بتكتبي تدويناتك باللهجة العامية و المية و واحد إنك سحبتي كلامك و المية و تنين … و الألف و تسعة تسعين إنك … و
الله يعين! كلنا فينا عيوب و مش عيب
المهم الواحد يعرف عيوبه حتى يعرف يصلحها
و كل إبن آدم خطاء و خير الخطائين التوابون
أو كما قال عليه الصلاة و السلام
الموقّع: عوني
أبريل 20th, 2008 at 10:31 م
لكل وحد منا له عيوب ..
حلو الواحد منا أنه يعرف عيوبه ،،
فاذا كان العناد عندكِ فالعناد عندنا اكبر مصيبة ..
تسلمين فروووووحه ،،
دمتِ بفرح
أبريل 20th, 2008 at 10:41 م
اهلاً عوووني …
مو كلن شو أعمل ازا انت بتمر عالعامي بس ليكو الاتنتين اللي قبل كلن فصحى … 😀
بعدين العامي جزء من جياتي … وجزي مني ما بقدر بكل سهولة احكي تفاصيل الحياة او أمورها الملتصقة بالفصحى …
يعني في شغلات لما بتكون بالعامي بتكون أقرب ….
أسعدني وجودك كتييير … دمت بخير
ღ ღ
3thary_q8
معترفة معترفة … بس هدا الانسحاب عيب من عيوبي هههه .. 😛
شكراً مسموسة على وجودك انبسطت فيه كتير
ღ ღ
حااائزة
اهلين والله …
الله يسلمك يا رب ..
أبريل 20th, 2008 at 10:56 م
هههههه
أيدي على راسك فروح .. بس شوي نئائة؟!!
مدري ليش حاسستك حكّاية كتير ..
صح نسيت قلك حبيت كتير الشي يلي كاتبتيه تبع (لنسمع الصمت معاً)
يمكن بيغفرلك كل العيوب السابقة أنك بتفكري بغيرك
أبقي بخير ..
أبريل 20th, 2008 at 11:42 م
بحب المجاكرة !! بس للناس اللي بمون عليهن … بس احياناً بطئوا مني “ما بعرف ليه ؟؟
ما بحب الاستيقاظ المبكر ابداً ابداً أبداً لو نايمة الساعة
عم تحكي عني كمان
ما حدا منا خالي
نقدك حلو
باي
أبريل 20th, 2008 at 11:48 م
كييفك فرووحه؟
“سوبر عنيدة”….حلو العند اذا كان مشان الحق وانا بنظري عنادك حلووووو
“اذا تضايقت بتضايقي اللي حولك”………..زهئ ما بتوقع زبطت معك هالمرة..لأنو نحنا يا حبيبتي ما منتدايق منك..بس منتدايق لأنو شايفينك متدايقه وماعم نقدر نعرف شبك او نساعدك…يعني كتومييه بس تضايقي..
“بتحبي المجاكره”……..مجاكره الحبييب زبييب
“شوي نئائه”………..هئ مو شوي!!!
“ضويجه..”……….اي والله والله الجامعه من دوونك ما لها طعمه بنوووووووب……هاديه
“اذا حدا فقد ثقتك..” ….الله لا يجعلنا منهم
“مابتحبي الاستيقاظ المبكر..”………..لك اسألوني أناااااااااااااااا
“مزاجيه..” ..ممممم.. نوعا ما
وبالنهايه…بس لولا هال99 عله…ماكنتي احلى واعز رفيقه على قلبي…
سلااامي
أبريل 21st, 2008 at 4:15 ص
بتاخد العقل بشكل تاني 🙂
عنيدة ، نئائة ، مزاجية ! أنا صدقت رفيقتك دنيا 🙂
يعني إذا حدا من رفقاتك كمان عنيدة بتقضو الوقت مين رح يغلب !
أطيب التمنيات …
أبريل 21st, 2008 at 11:10 ص
ههههههههه 🙂
ضحكينا شوي 🙂
شو صاير مع التعليقات ليش هيك راحن لليسار 🙁 ؟؟
أبريل 21st, 2008 at 12:18 م
هههههههههههههههه 😀
ما احلى ان يقول الشخص العلل الى به عشان الناس تعرف وتحاول ان لا تقع فيها او ان يجعلك تغضبى منه
ما احلى ان يقول الشخص على العيوب التى به لان لا يوجد شخص كامل ( الكمال لله وحده )
بالتوفيق يا فرح ان شاء الله
أبريل 21st, 2008 at 9:02 م
“هالشخص جرحني او خذلني بيوم من الايام مشان هيك ما برجع بعطي ثقتي ! ”
هن بيقولوا المسامح كريم، بس ما بعرف أنا متلك، خلص يلي انكسر صعب يتصلح، ويلي بيخون مرة بيخون ألف مرة.
أبريل 22nd, 2008 at 2:43 ص
يا ست فرح أنا فاهم عليكي بس لو بتكتبي فصحة حيوصل كلامك لكل العرب
و أنا بيصعب عليي ما تحكي إلا مع اللي بيفهمو لهجتنا 😉
سلامي
أبريل 22nd, 2008 at 8:46 م
الأعتراف بالذنب فضيلة
أبريل 23rd, 2008 at 6:13 م
ازا حدا فقد ثقتي مستحيل يسترجعا ! يعني بسامح وبرجع عادي بس من جوة جوة ما بنسى انو هالشخص جرحني او خذلني بيوم من الايام مشان هيك ما برجع بعطي ثقتي ! بحس هالشي عيب كبيرفيني لانو الناس أحياناً ما بتكون قاصدة بس هي مشكلتي بضل يعني كمان على كل حال انا ما بثق بحدا بسرعة
أبريل 29th, 2008 at 6:31 م
ايش حكايتكو يا مدونين سوريين
في الاعتراف بعيوب الشخصية
أهي موضة المدونات السورية الان
أبريل 29th, 2008 at 11:09 م
فتوووشة
كلو إلا أيدك وعلى راسي كماااان … ما بقدر عليها هي الشغلة… ضروري تفضحينا .. هههههه قال يعني كل هاد لسه عادي …
شكراً كتير ألك وانا انبسطت برأيك … ولانك قرأتيها … وبدي دائماً رأيك : )
ღ ღ
محمد max13
هههههههه بس لا تبدا بمجاكرتي … لانو بغلبك p:
أهلين محمد وجودك الحلو
ღ ღ
دنيااااا
يخليلي يااااااك يا رب … وما يحرمني منك … يعني هو صح انا هون “انفصفصت فصفصة بين أيديك” بس يلا معلششش
مالي كتومية ..بس ما بحب اشغل بااال حدا .. بسس هيييك
أهلين دندونتي دائماً طلي .. مو بس وقت الفضايح face5
ღ ღ
سلام
اهلين سلااام … على حسب الموضوع .. يعني ازا كان على مبدأ فمستحيل أني أتخلى عنو حتى يثبت بالأدلة القاااطعة بأنه خاطئ … : D
والله صايرين يا سلام نص الدكاترة عمياخدوا العقل .. متل مو شايف صفيانة بلا عقل …
ღ ღ
بكداش …
شديتلن ادنن وجبتن عاليمين … وين مفكرين حالن هههههه :]
ما كنت منتبه … شكراً ألك … بيسعدني انو ضحكتك ان شاء الله دوم ضحكان … 😀
ღ ღ
شيكو ..
صدقت والله .. الكمال لله وحدة … وهي شغلات قليلة لسه في كتير …
ღ ღ
علوش …
ايه والله يا علوش انا هي الجملة اللي بقولا بس بيني وبين حالي .. لانو هيفكروني ناقمة …
شكراً لوجودك انبسطت فيه … : )
ღ ღ
عوني …
طيب طيب … خلص هحاول كون فصحاويه دائماً … أقنعتني هديك المرة …
ღ ღ
AGdedouy
صح الصح … ان شاء الله يكون فضيلة بجد …
ღ ღ
حلمي معي …
أهلييين… بعد ما كتبت هالشي انت وعلوش … صار أنو حسا شغلة منيحة فيني 😛
ღ ღ
أشرف العناني …
اهلا وسهلا فيك بالمدونة .. نورت ..
هو اللي بدا بهالشغلة .. مصري MonTexo وهو صار يمرر الواجب حتى وصل لعندي ولعند كل مدون سوري … فصارت موضة .. بس ازا بدكن بنعيركن ياها هههههه
على فكرة حلوة هالتدوينة بتخلي الواحد يفكر من جوا ويكتشف امور فيه ما كان منتبه فيها … حتى لو ما كتبا هون بيكفي انو عرفا … شكراً لوجودك … بتمنى استمراره
ღ ღ
مايو 18th, 2008 at 2:58 م
والله يا فرح أنا صدقت إن فيكي المميزات دي كلها أصل كل اللي إنتي قلتيه أصبح مميزات في العهد اللي إحنا فيه……….صدقيني إنتي قدوة لبنات جيلك……………………….وسلم لي على مؤتمر السكان
مايو 19th, 2008 at 8:14 ص
لاتشيلي هم !!!! 🙂
كلك على بعضك حلوووو
مالئوا في الورد عيب 000آلو ياحمر الخدين :@
مرسيه هبهوبه الطيبوبه الحبوبه
مايو 20th, 2008 at 12:42 ص
makmanaman
امممممم ما بتوقع هي مميزات : )
شكراً لوجودك واهلا وسهلا فيك بالمدونة …
مدونتك لم تفتح معي ؟
ღ ღ
موووزهـ ما غيرها
لك اهليييييييييييييييييييييييييييييين وسهلييييييييين بنور العين
نورت المدونة منجد منجد كتير انبسطت بوجودك …
انت الورد : )
مايو 20th, 2008 at 11:08 ص
بحب المجاكرة !! بس للناس اللي بمون عليهن … بس احياناً بطئوا مني “ما بعرف ليه ؟؟
كتيييييييييييييييييييييييير
هههههههههههههههههههههههههههههههههههههه
بس والله مهضومة
صاير فيني عيب جديد انو لما بعصب من شي حدا او من الدراسة بروح بنام
معناتو قلبك كتييييييييييييير بارد
بس كمان مهضومة
هههههههههههههههههههه
تحياتي