لولا هالـ 99 علّة

انا الموقعة ادناه فرح أقر واعترف بعيوبي التالية

سوبر عنيدة

ازا تضايقت أتضايق وازا تضايقتُ اضايق من حولي

بحب المجاكرة !! بس للناس اللي بمون عليهن … بس احياناً بطئوا مني “ما بعرف ليه ؟؟

شوي نئائة

ضويجة يعني بيقولوا انو البيت بيكون هادي كتير قبل ما بفوت عليه بعدين مدري شو بصير

ازا حدا فقد ثقتي مستحيل يسترجعا ! يعني بسامح وبرجع عادي  بس من جوة جوة ما بنسى انو هالشخص جرحني او خذلني بيوم من الايام مشان هيك ما برجع بعطي ثقتي ! بحس هالشي عيب كبيرفيني لانو الناس أحياناً ما بتكون قاصدة بس هي مشكلتي بضل يعني كمان على كل حال انا ما بثق بحدا بسرعة

ما بحب الاستيقاظ المبكر ابداً ابداً أبداً لو نايمة الساعة 8 المسا يعني ازا محاضرة ما عليها القيمة ودكتور أو دكتورة بتاخد العقل أو بتاخد العقل بشكل تاني ومافي تسجيل حضورما بقوم منووب

صاير فيني عيب جديد انو لما بعصب من شي حدا او من الدراسة بروح بنام

وآخر شي مزاجية

وكل ما سبق كان عبارة عن واجب تدويني من

MonTexoو أحمد

أما لو تجوا عالحقيقة انو انا مافيني ولا علّة ولا عيب نهائي نهائي

28 من التعليقات لـ “لولا هالـ 99 علّة”

  1. أحمدNo Gravatar قال:

    لا أظن أنها علل -أبعد الله عنا وعنك وعن المسلمين كل علة- لكن أفكار ونتائج تجارب والله أعلم، بس هي عيوب ومو علل، وأنت معترفة انها هي شغلات مو حاببتيها بحالك – وبعتذر على تدخلي- لذلك لازم تغيريهاما أمكن، وكونه – والحمد لله، نحنا عباد الله وإن شاء الله نكون من أحبابه- فلذلك لازم نتشبه بأسمائه الحسنى ما أمكن حتى نكون قريبين إله، والموضوع عندك على كل حال وحسب ما قرأت من ابداعاتك فأنت مو هيك بس هي ردات فعل مو أكتر ويعني مع الوقت تتغير بتهذيب وصقل النفس
    والله المستعان أولا وأخيرا

  2. أحمدNo Gravatar قال:

    على فكرة أنا -والحمد لله وأفخر – من دمشق وليش كما ظهر بالعلم جانب اسمي

  3. أحمدNo Gravatar قال:

    على فكرة أنا -والحمد لله وأفخر – من قلب حبيبتي دمشق وليش كما ظهر بالعلم جانب اسمي

  4. FaRaHNo Gravatar قال:

    مرحباً أحمد ..

    بالفعل تغير الكثير فيني، ربما أصبحت هناك أمور جديدة وزال ما قبلها،لكن بالنهاية لا يوجد إنسان كامل (والناس بتتحمل بعضها)

    الله يهدينا ويقوينا على الطاعة ..

    شكراً لوجودك وكلماتك وأهلاً بأهل دمشق الحبيبة كلهم

  5. أحمدNo Gravatar قال:

    برابو معناتها إذا حاسة حالك مغيرة، وهاد الشي معناتها إنك صاحية لحالك وهاد نص الحل
    وعلى كل إن شاء الله نكون أقرب للكمال و الله يخليلك يللي ربوك
    وطبعا لازم نتحمل بعضنا(بسم الله الرحمن الرحيم:محمد والذين آمنوا معه أشداء على الكفار رحماء بينهم)وعلى كل حال بشكرك كتير على ومضاتك
    والله يعزك وينور قلبك وطريقك بنوره وهدايته
    سلامات

  6. أن تصل متأخرا خيرا من أن لا تصل
    ما في حدا كامل بالهدنيا وحلو الواحد يعترف بعيوبوا ( عللوا ) ويحاول يصححها
    وانا كمان عم حاول مع نفسي شوي شوي لصحح عيوووبي
    بس في شغلتين :
    الأولى : انك نئائةهلأ انتي نئائة ؟؟؟؟؟اي ما بتطلعي شي قدامي ( ولا انتي شو رأيك ) متل ما بقولوا اسأل مجرب ولا تسأل حكيييم وانتي جربتي النأ على أصووووله
    والتانية : المجاكرة يالطييييف شو بحبها هالشغلة ( وكمان مع الناس يلي بمون عليهم وانتي ويمكن جربتي هالشي )
    مووووووفقة يارب

  7. الله يعطيك مليون عافيه

إكتب تعليقك